தமிழ் திரையுலகில் ஒரு சில ஆண்டுகளுக்கு முன்பு சாக்லேட் பாயாக வலம் வந்தவர் நடிகர் மாதவன்.
தற்போது இவர் பாலிவுட், ஹாலிவுட் என பல படங்களில் நடித்து வருகிறார். கடைசியாக மாதவன் தமிழில் ‘வேட்டை’ என்ற படத்தில் ஆர்யாவுடன் இணைந்து நடித்தார்.
மாதவன் நைட் ஆப் தி லிலிங் டெட், ஆர்ஜின்ஸ் 3டி போன்ற ஹாலிவுட் படங்களுக்காக ஜிம்முக்கு சென்று உடற்பயிற்சி செய்து உடம்பை கட்டுக்கோப்பாக வைத்து நடித்திருந்தாராம். ஹாலிவுட் படங்களைத் தொடர்ந்து பாலிவுட்டில், கங்கனா ரனாவத்தும் நடித்த ‘தனு வெட்ஸ் மனு’ படத்தின் இரண்டாம் பாகத்தில் ஹீரோவாக நடிக்க தற்போது ஒப்பந்தமாகியுள்ளார். இப்படத்துக்காக தாடி வளர்த்து புதிய கெட்டப்பில் நடிக்கிறார் மாதவன். தாடி மட்டுமில்லாமல் நீளமான முடியும் வைத்து வித்தியாசமான தோற்றத்தில் நடிக்கிறாராம் நம்ம மேடி... தற்போது மாதவன் தமிழில் ‘இறுதிச்சுற்று’ என்ற படத்தில் பாக்ஸராக நடித்து வருகிறார் என்பது குறிப்பிடத்தக்கது.
|
