|
|||||
என்னது நஸ்ரியாவுக்கு திருமணமா !! |
|||||
நையாண்டி பட சர்ச்சை நாயகி நஸ்ரியாவுக்கு விரைவில் திருமணமாக உள்ளதாக செய்திகள் வெளியாகியுள்ளது.
மலையாள படங்களில் குழந்தை நட்சத்திரமாக அறிமுகமாகி அதன் பிறகு தொலைக்காட்சி நிகழ்ச்சி தொகுப்பாளினியாக மாறி பிறகு நடிகையானவர் நஸ்ரியா. இவர், தமிழில் அறிமுகமான முதல் படம் திருமணம் என்னும் நிக்ஹா என்றாலும் அதன் பின்பு எடுக்கப்பட்ட நேரம் திரைப்படம் முந்திக் கொண்டது. நேரம் படத்தின் வெற்றியைத் தொடர்ந்து நஸ்ரியாவுக்கு வாய்ப்புகள் குவிந்தன. தனுஷுடன் 'நய்யாண்டி', ஆர்யாவுடன் 'ராஜா ராணி' ஆகிய படங்களில் நடித்தார். ஆனால் நய்யாண்டி படத்தில் நடித்த போது ஏற்பட்ட பிரச்சனை காரணமாக அவரை புதிய படங்களில் ஒப்பந்தம் செய்வதற்கு இயக்குனர்களும், ஹீரோக்களும் தயங்கினர்.
தற்போதைக்கு தமிழை பொறுத்தவரையில் அவருக்கு திருமணம் என்னும் நிக்ஹா, வாய் மூடி பேசவும் ஆகிய இரண்டு படங்கள் மட்டும் கைவசம் உள்ளன. இதில் திருமணம் என்னும் நிக்ஹா படம் விரைவில் திரைக்கு வரவிருக்கிறது. இவைதவிர அவர், தாய் மொழியான மலையாளத்தில் நான்கு படங்களில் பிஸியாக நடித்து வருகிறார்.
இந்நிலையில் மலையாள முன்னணி நடிகர் பஹத் பாசிலுக்கும் நடிகை நஸ்ரியா நசீமிற்கும் திருமணம் முடிவாகி இருப்பதாக அறிவித்து இருக்கிறார்கள். பஹத் பாசில், பிரபல மலையாள இயக்குனரின் மகனாவார். தற்போது இவர் அஞ்சலி மேனன் இயக்கி வரும் பெயரிடாத படத்தில் நடித்து வருகிறார். இந்தப் படத்தில் பஹத்துக்கு ஜோடியாக நடிப்பவர் நஸ்ரியா நசீம். இந்தப் படத்தின் படப்பிடிப்பில் கலந்துகொண்டு நடிக்கும்போது பஹத் – நஸ்ரியா இருவருக்கிடையே காதல் மலர்ந்துள்ளது. இவர்களது காதல் விவகாரம் சமீபத்தில் இரு வீட்டாருக்கும் தெரிய வந்திருக்கிறது.
இந்நிலையில் பஹத்தின் பெற்றோர்களும் நஸ்ரியாவின் பெற்றோர்களும் சந்தித்துப் பேசி இருவருக்கும் திருமணம் செய்துவைக்க முடிவு செய்துள்ளனர். இவர்களது திருமணம் ஆகஸ்ட் மாதம் நடைபெறும் என்று இயக்குநர் பாசில் தெரிவித்திருக்கிறார். |
|||||
by Swathi on 20 Jan 2014 0 Comments | |||||
Tags: நஸ்ரியா நாசிம் நையாண்டி திருமணம் நஸ்ரியா திருமணம் Nazriya Nazim Nazriya Marriage | |||||
கருத்துகள் | |
|
உங்கள் கருத்துகள் பதிவு செய்ய | ||
|