சமுத்திரகனி இயக்கத்தில், ஜெயம்ரவி, அமலாபால், சூரி ஆகியோர் நடித்த படம் நிமிர்ந்து நில். ஊழலை மையமாக வைத்து எடுக்கப்பட்ட இந்த படத்தில் ஜெயம் ரவி இரண்டு வேடங்களில் நடித்துள்ளார்.
கடந்த 9 ம் தேதி வெளியான இந்த படம் தமிழக திரையரங்குகளில் வெற்றிகரமாக ஓடிவருகிறது. இந்நிலையில் தான் இயக்கும் புதிய பட வேலைகளிலும் விரைவில் இறங்க திட்டமிட்டுள்ளாராம் சமுத்திரக்கனி.
அடுத்த மாதம் 14-ந்தேதி நிமிர்ந்து நில் படம் தெலுங்கில் வெளியாகிறது. அதையடுத்து, அப்படத்தை இந்தியில் ரீமேக் செய்வதற்கான முயற்சிகளிலும் ஈடுபடப்போகிறாராம் சமுத்திரக்கனி.
|