தொலை பேசி மற்றும் செல்போன் தொலை தொடர்பு சேவை நிறுவனங்களின் வாடிக்கையாளர்கள் தாங்கள் பயன்படுத்தும் தொலை தொடர்பு சேவை நிறுவனங்கள் பற்றிய புகார்களை பதிவு செய்ய 1063' என்ற இலவச தொலைபேசி எண்னை மத்திய தொலை தொடர்பு துறை அறிமுகப்படுத்தியுள்ளது.
இது குறித்து மத்திய தொலை தொடர்பு துறை வெளியிட்டுள்ள செய்தி குறிப்பில் கூறியிருப்பதாவது,
தொலை பேசி மற்றும் செல் போன் வாடிக்கையாளர்கள், தங்களுக்கு சேவை வழங்கி வரும் தொலை தொடர்பு நிறுவனங்களிடம், புகார் தெரிவிப்பதற்காக, அந்தந்த வாடிக்கையாளர்கள் சேவை மையத்தை நாடி வருகின்றனர். இருப்பினும், சில தொலை தொடர்பு நிறுவனங்கள், வாடிக்கையாளர்களின் புகார்களுக்கு முக்கியத்துவம் அளிக்க வில்லை என்ற குற்றச்சாட்டு அதிகரித்து வருகிறது.
எனவே, நாடு முழுவதும் உள்ளோர், தங்கள் புகார்களை தெரிவிப்பதற்கு வசதியாக, 1063 என்ற கட்டணம் இல்லாத தொலைபேசி எண் ஒதுக்கப்பட்டுள்ளது. இதில் தெரிவிக்கப்படும் புகார்கள், தொலைதொடர்பு துறையின் கவனத்துக்கு எடுத்து செல்லப்படும் என அந்த செய்தி குறிப்பி கூறப்பட்டுள்ளது.
|