இந்த ஆண்டின் சிறந்த மனிதராக அமெரிக்க அதிபர் ஒபாமா தேர்வு செய்யப்பட்டுள்ளார். ஒவ்வொரு ஆண்டும் சிறந்த மனிதரை தேர்வு செய்து அமெரிக்காவின் டைம் இதழ் வெளியிட்டு வருகிறது. இந்த ஆண்டிற்கான சிறந்த மனிதர் பட்டியலை சமீபத்தில் டைம்ஸ் இதழ் வெளியிட்டது.இறுதி பட்டியலில் பாகிஸ்தானில் பெண் கல்விக்காக போராடி தீவிரவாதிகளின் துப்பாக்கி சூடு தாக்குதலுக்கு ஆளான சிறுமி யூசுப்சய் மலாலா, எகிப்து அதிபர் முகமது மோர்சி, ஆப்பிள் தலைமை செயல் அதிகாரி டிம் குக் ஆகியோர் பெயர்கள் இறுதி பட்டியலில் இடம்பெற்று இருந்தன.அவர்களில் இருந்து ஒபாமா தேர்வு செய்யப்பட்டுள்ளார். கடந்த 2008ம் ஆண்டு ஒபாமாவையே சிறந்த மனிதராக டைம் இதழ் தேர்வு செய்திருந்தது. தற்போது இரண்டாவது முறையாக இந்த பெருமையை டைம் இதழ் அவருக்கு அளித்துள்ளது
|