LOGO
Register? Login
Follows us on Facebook  Twitter  Google Plus  youtube 
  முதல் பக்கம்    மற்றவை    கல்வி/வேலை Print Friendly and PDF

SRM பல்கலைக்கழகத்தில் தமிழர்களின் ஆடற்கலையைக் கற்பிக்கும் வகையில் ஓராண்டுப் பட்டயப் படிப்பு !!

தமிழர்களின் ஆடற்கலையைக் கற்பிக்கும்  வகையில் ஓராண்டுப் பட்டயப் படிப்பை நடத்த SRM பல்கலைக்கழகம் முடிவு செய்த்துள்ளது. இது குறித்து SRM பல்கலைக்கழகத்தின் தமிழ்ப்பேராயம் வெளியிட்டுள்ள செய்தி குறிப்பில் கூறியிருப்பதாவது, 

 தமிழ் மொழியின் தொன்மைச் சிறப்புகளையும் பெருமைகளையும் வெளிப்படுத்தவும், மேலும் வளர்க்கவும் SRM பல்கலைக்கழகத்தில் தமிழ்ப்பேராயம் அமைக்கப்பட்டுச் செயல்பட்டு வருவதைத் தாங்கள் அறிவீர்கள். இத் தமிழ்ப்பேராயம் தமிழ்ப் பராம்பரிய ஆடற்கலையைக்  காப்பாற்றவும், வளர்க்கவும், தொடர்ந்து அடுத்த தலைமுறைக்குக் கொண்டு சேர்க்கவும்,  பிறமொழி ஆதிக்கத்திலிருந்து விடுவிக்கவும் தமிழர்களின் ஆடற்கலையைக்(Dance) கற்பிக்கும்  வகையில் ஓராண்டுப் பட்டயப் படிப்பை நடத்தத் திட்டமிட்டுள்ளது. தொன்றுதொட்டுப் பல தலைமுறைகளாகத் தமிழ் மரபுவழியில் நடனத்தைக் கற்பித்துவரும் தஞ்சை நட்டுவனார்களைக் கொண்டு நடனம் கற்பித்தலும் தொடர்ந்து பயிற்சியும் நடைபெறும்.

இந்த நடன வகுப்பை இன்றைய அறிவியல் வளர்ச்சியின் ஊடகங்கள் வாயிலாக (online Skype classes) நடத்த விரும்புகிறோம்.

மரபுவழி நடன ஆசிரியர் நடனத்தைக் கற்பிக்க, ஒரு மாணவி நடனமாட, அதை உலகில் எந்தப் பகுதியில் இருந்தும் பார்த்துப் பயிற்சி பெறவும், ஐயங்கள் இருந்தால் உடனுக்குடன் கேட்டுத் தெரிந்துகொள்ளும் வகையிலும் பல்லாண்டு கால அனுபவம்பெற்ற  தலைசிறந்த நட்டுவனார் ஆடிக்காட்டும் வகையிலும் பயிற்சி வகுப்புகள் அமையும்.

ஒவ்வொரு வாரமும் அந்தந்த நாட்டின் சூழலுக்கு ஏற்ப வாரத்தின் இறுதி இரு நாட்களில் ஒவ்வொரு நாளும் இரண்டு மணிநேரப் பயிற்சியும், ½ மணிநேரத்திலிருந்து 1 மணி நேரம் வரை ஐயங்கள் தெளிவுபடுத்தலும் நடைபெறும்.        இந்த நடனப் பயிற்சியை வீட்டிலிருந்தோ அல்லது ஏதேனும் பயிற்சி மையத்திலிருந்தோ (எ-டு. தமிழ்ச்சங்கம்) ONLINE SKYPE வாயிலாக  நேரடியாகப் பார்த்து பயில இயலும். வகுப்பில் சேரும் மாணவர்களின் எண்ணிக்கையைப் பொறுத்துப் பயிற்சி நடுவங்களை அமைத்திடத் திட்டமிட்டுள்ளோம்.என SRM பல்கலைக்கழகத்தின் தமிழ்ப்பேராயம் வெளியிட்டுள்ள செய்தி குறிப்பில் கூறப்பட்டுள்ளது. இதற்கான பயிற்சிக் கட்டணம் -  ஏறத்தாழ ஒரு மாணவருக்கு 500 US Dollar அளவில் இருக்கும் என தெரிவிக்கப்பட்டுள்ளது.  

by Swathi   on 18 Apr 2017  0 Comments
Tags: Dance   Dance Diploma   SRM University   ஆடற்கலை   தமிழர்களின் ஆடற்கலை   SRM பல்கலைக்கழகம்     
 தொடர்புடையவை-Related Articles
SRM பல்கலைக்கழகத்தில் தமிழர்களின் ஆடற்கலையைக் கற்பிக்கும்  வகையில் ஓராண்டுப் பட்டயப் படிப்பு !! SRM பல்கலைக்கழகத்தில் தமிழர்களின் ஆடற்கலையைக் கற்பிக்கும் வகையில் ஓராண்டுப் பட்டயப் படிப்பு !!
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.