தயாரிப்பாளரும், நடிகருமான உதயநிதி ஸ்டாலின், ஒரு கல் ஒரு கண்ணாடி படத்தை தொடர்ந்து நடித்த இது கதிர்வேலன் காதல் படம் காதலர் தினத்தை முன்னிட்டு நேற்று உலகம் முழுவதும் வெளியானது.
விழுப்புரம் மாவட்டத்தில் இந்தப்படத்தை பார்க்க வந்த ரசிகர்களுக்கு, விழுப்புரம் மாவட்ட, உதயநிதி ஸ்டாலின் ரசிகர் நற்பணி மன்றம் சார்பில், இலவசமாக வெங்காயம் வழங்க ஏற்பாடு செய்யப்பட்டது. விழுப்புரம் மாவட்டத்தில், ஏழு தியேட்டர்களில், இப்படம் நேற்று வெளியானது. இந்த தியேட்டர்களில், உதயநிதி ஸ்டாலின் ரசிகர் நற்பணி மன்றம் சார்பில், படம் பார்க்க வந்த ஒருவருக்கு, தலா, ஒரு கிலோ வெங்காயம் வழங்கப்பட்டது. விழுப்புரம் கல்யாண் தியேட்டரில், மார்னிங் ஷோ பார்த்த, சுமார் 500க்கும் மேற்பட்டோருக்கு, உதயநிதி ஸ்டாலின் ரசிகர் நற்பணி மன்ற தலைவர் பிரேம், செயலர் சங்கர் தலைமையில், வெங்காயம் வழங்கப்பட்டது. இதுகுறித்து, மன்ற தலைவர் பிரேம் கூறுகையில், படம் பார்த்து, வெளியே வருபவர்களுக்கு, ஏதேனும் பொருட்களை வழங்க வேண்டும் என்பதால், விழுப்புரத்தில் படம் திரையிட்ட, ஏழு தியேட்டர்களிலும் வெங்காயம் வழங்கினோம் என்றார்.
|