|
|||||
வித்தியாசமான ட்ரைலர் / டீசர் : இது தமிழ் சினிமாவின் புதிய ட்ரென்ட் !! |
|||||
ரசிகர்கள் மத்தியில் ஒரு படம் பற்றிய எதிர்பார்ப்பை உருவாக்குவதில் அந்த படத்தின் ட்ரைலர்கள் முக்கியத்துவம் பெறுகின்றன. இன்றைய காலகட்டத்தில் வித்தியாசமான ட்ரைலர்கள் ரசிகர்களிடையே மிகுந்த வரவேற்பை பெறுகின்றன. சமீபத்தில் வெளியிடப்பட்ட சில டிரைலர்களும், டீசர்களும் உண்மையிலேயே வித்தியாசமாகவும் ரசிக்க வைக்கும் விதத்திலும் அமைந்துள்ளன. அவற்றில் சில டீசர்களையும், ட்ரைலர்களையும் பற்றி இங்கு பார்ப்போம். |
|||||
விஜய் சேதுபதியின் ஆரஞ்சு மிட்டாய் :
இப்படத்தின் டிரைலரில் ஒரு விஜய் சேதுபதி வந்து சாதாரணமாக படத்தைப் பற்றிப் பேசிக் கொண்டிருக்க, இன்னொரு விஜய் சேதுபதி வந்து முதலாமவரைக் கலாய்ப்பது போன்று உருவாக்கப்பட்டுள்ள டிரைலர்தான் இப்போதைய டிரைலர்களில் டாப் ஆக இருக்கிறது.
உதயநிதி, சந்தானத்தின் நண்பேன்டா :
உதயநிதி ஸ்டாலின், நயன்தாரா, சந்தானம் ஆகியோர் நடிக்கும் படம் நண்பேன்டா. இந்த படத்தின் டீசரைப் பார்க்கும் போது, இது ஒரு நகைச்சுவைப் படம் என்பது தெளிவாக தெரிகிறது. படப்பிடிப்பில் நடிகர்கள் ரீ-டேக் வாங்கியதையே ப்ளூப்பர்ஸ் போன்று தொகுத்து அதை ஒரு டீசராக வெளியிட்டிருக்கிறார்கள். இதற்கு ரசிகர்களிடையே அற்புதமான வரவேற்பு கிடைத்துள்ளது.
விஷாலின் ஆம்பள :
சுந்தர் .சி இயக்கத்தில் விஷால், ஹன்சிகா நடித்து வரும் ஆம்பள படத்திற்கான ஒரு டீசரை கடந்த சில நாட்கள் முன் வெளியிட்டிருந்தார்கள். அதில் படத்தின் இசையமைப்பாளர் ஹிப்ஹாப் தமிழாவிடம், இயக்குனர் சுந்தர் .சியும், நடிகர் விஷாலும் படத்தின் பாடல்கள் இப்படி வேண்டும், அப்படி வேண்டும், பல்லவி இப்படி இருக்க வேண்டும், சரணம் இப்படி இருக்க வேண்டும் என்று சொல்லிக் கொண்டிருக்க, கடைசியில் அவரோ, ஆமாம் சார்...இந்த பல்லவி..சரணம்...அப்படின்னா என்ன ? எனக் கேட்கும் இந்த டீசரும் வித்தியாசமாக அமைந்துள்ளது.
|
|||||
by Swathi on 29 Nov 2014 0 Comments | |||||
Tags: Nanbenda Ambala Orange Mittai ஆரஞ்சு மிட்டாய் நண்பேன்டா ஆம்பள | |||||
கருத்துகள் | |
|
உங்கள் கருத்துகள் பதிவு செய்ய | ||
|