கண்டேன் காதலை, வந்தான் வென்றான், சேட்டை ஆகிய படங்களை தொடர்ந்து, இயக்குனர் கண்ணனின் அடுத்த படம் தான் ஒரு ஊர்ல ரெண்டு ராஜா.
இந்த படத்தில், விமல் ஹீரோவாகவும், ப்ரியா ஆனந்த் ஹீரோயினாகவும் நடித்துள்ளார்கள்.
இந்த படத்திற்கு டி.இமான் இசை அமைத்துள்ளார். மைக்கேல் ராயப்பனின் குளோபல் இன்போடெயின்மெண்ட் நிறுவனம் இதனைத் தயாரித்திருக்கிறது. கிராமத்து பின்னணியில் காதலுடன் நகைச்சுவை கலந்து படம் எடுக்கப்பட்டிருக்கிறதாம்.
இந்த படம் நாளை(அக்டோபர் 2) காந்தி ஜெயந்தியன்று ரிலீஸாகும் என்று அறிவிக்கப்பட்டிருந்தது. ஆனால் தற்போதைய தகவலின் படி படத்தின் ரிலீஸ் தேதி தள்ளி வைக்கப்பட்டுள்ளதாக கூறப்படுகிறது. அதன்படி படத்தை அக்டோபர் 10-ஆம் தேதி அல்லது செப்டம்பர் மாதம் ரிலீஸ் செய்ய திட்டமிட்டிருக்கிறார்களாம் படக்குழுவினர்.
காரணம் கடந்த வெள்ளியன்று வெளியான ‘மெட்ராஸ்’, ‘ஜீவா’ ஆகிய படங்கள் ரசிகர்கள் மத்தியில் நல்ல வரவேற்பை பெற்றிருப்பதாலும் அதோடு அக்டோபர் 2-ஆம் தேதி ‘யான்’ படம் வெளியாகவிருப்பதாலும் தான் இந்த மாற்றமாம்.
|
