பெட்ரோல் விலை, லிட்டருக்கு, 3.05 ரூபாய் குறைக்கப்பட்டது. அதே நேரத்தில், டீசல் விலை, லிட்டருக்கு, 50 காசுகள் உயர்த்தப்பட்டது. இந்த விலை மாற்றம் நேற்று நள்ளிரவு முதல் அமலுக்கு வந்தது. சென்னையில் ஒரு லிட்டர் பெட்ரோல் விலை 3 ரூபாய் 87 காசு குறைக்கப்பட்டு 75 ரூபாய் 68 காசுக்கு விற்கப்படுகிறது. டெல்லியில் வரிகளுடன் சேர்த்து பெட்ரோல் விலை 3 ரூபாய் 66 காசு குறைக்கப்பட்டு 72 ரூபாய் 40 காசுக்கு விற்கப்படுகிறது. சர்வதேச சந்தையில் கச்சா எண்ணெயின் விலை குறைந்துள்ளதும், அமெரிக்க டாலருக்கு நிகரான இந்திய ரூபாயின் மதிப்பு வளர்ச்சி கண்டுள்ளதும், பெட்ரோல் விலைக் குறைப்புக்கு முக்கிய காரணமாகும் எனவும், மேலும் டீசல் விற்பனையில் எண்ணெய் நிறுவனங்களுக்கு இழப்பு அதிகம் என்பதால் அதன் விலை சற்றே உயர்த்தப்பட்டுள்ளதாக எண்ணெய் நிறுவன அதிகாரிகள் தெரிவித்துள்ளனர். அத்துடன் வீடுகளுக்கான, மானியமில்லா சமையல் காஸ் சிலிண்டர் விலையும் உயர்த்தப்பட்டுள்ளது குறிப்பிடத்தக்கது.
|