ராஜ்குமார் ஹிராணி இயக்கத்தில் ஆமீர்கான், அனுஷ்கா சர்மா நடிப்பில் கடந்த டிசம்பர் 19-ம் தேதி வெளியான ‘பிகே’ திரைப்படம் பாலிவுட் சினிமா வரலாற்றிலேயே மிகப்பெரிய தொகையாக வசூல் செய்து சாதனை படைத்துள்ளது.
இந்தியாவில் மட்டும் குறுகிய காலத்தில் இவ்வளவு பெரிய தொகையை வசூலித்த வரலாற்று சாதனை படைத்த பாலிவுட் படம் இதுதான் என பிகே படத் தயாரிப்பாளர்கள் தெரிவித்துள்ளனர்.
இதற்கு முன்னர், அதிக வசூலை வாரிக் குவித்த ‘பாக்ஸ் ஆபிஸ் ஹிட்’ படங்களின் முதல் இடத்தில் அமீர் கான் நடிப்பில் வெளியான ‘தூம் 3’ (ரூ.271.82 கோடி), இரண்டாவது இடத்தில் சல்மான் கான் நடிப்பில் வெளியான ‘கிக்’ (ரூ. 244 கோடி) மூன்றாவது இடத்தில் ஷாருக் கான் நடிப்பில் வெளியான ‘சென்னை எக்ஸ்பிரஸ்’ (ரூ.228 கோடி) ஆகிய படங்கள் இருந்து வந்தன.
இந்நிலையில் தூம் 3 படத்தின் வசூல் சாதனையை (ரூ.271.82 கோடி) தற்போது வெளியாகியுள்ள ‘பிகே’ (ரூ.305.27 கோடி) திரைப்படம் முறியடித்து விட்டதாக பாலிவுட் வட்டாரங்கள் தெரிவிகின்றன. இதேபோல், பிகே திரைப்படம் வெளிநாடுகளிலும் சுமார் 150 கோடி ரூபாய்க்கு மேல் வசூல் செய்திருப்பதாக தகவல்கள் வெளியாகியுள்ளது.
|
