பொரும்பாணாற்றுப்படை

பத்துப்பாட்டுக்களில் இரண்டாவதான பொருநர் ஆற்றுப்படை,சோழன் கரிகாற்பெருவளத்தானை முடத்தாமக் கண்ணியார் பாடியது. 
நூல்

பொருநனை விளித்தல்

அறாஅ யாணரகன் றலைப் பேரூர்ச்சாறுகழி வழிநாட் சோறுநசை யுறாதுவேறுபுல முன்னிய விரகறி பொருந  

பாலையாழின் அமைப்பு

குளப்புவழி யன்ன கவடுபடு பத்தல்விளக்கழ லுருவின் விசியுறு பச்சை. 5எய்யா விளஞ்சூற் செய்யோ ளவ்வயிற்றைதுமயி ரொழுகிய தோற்றம் போலப்பொல்லம் பொத்திய பொதியுறு போர்வைஅளைவா ழலவன் கண்கண் டன்னதுளைவாய் தூர்ந்த துரப்பமை யாணி.. 10எண்ணாட் டிங்கள் வடிவிற் றாகிஅண்ணா வில்லா அமைவரு வறுவாய்ப் பாம்பணந் தன்ன வோங்கிரு மருப்பின் மாயோள் முன்கை ஆய்தொடி கடுக்கும்கண்கூ டிருக்கைத் திண்பிணித் திவவின். 15ஆய்தினை யரிசி யவைய லன்னவேய்வை போகிய விரலுளர் நரம்பின்கேள்வி போகிய நீள்விசித் தொடையல்மணங்கமழ் மாதரை மண்ணி யன்னஅணங்குமெய்ந் நின்ற அமைவரு காட்சி. 20ஆறலை கள்வர் படைவிட அருளின் மாறுதலை பெயர்க்கு மருவுஇன் பாலை  

யாழை மீட்டிப் பாடுதல்

வாரியும் வடித்தும் உந்தியு முறழ்ந்தும்சீருடை நன்மொழி நீரொடு சிதறி  

பாடினியின் கேசாதிபாத வருணனை

அறல்போற் கூந்தல் பிறைபோல் திருநுதற் 25கொலைவிற் புருவத்துக் கொழுங்கடை மழைக்கண் இலவிதழ் புரையும் இன்மொழித் துவர்வாய்ப் பலஉறு முத்திற் பழிதீர் வெண்பல்மயிர்குறை கருவி மாண்கடை யன்னபூங்குழை ஊசற் பொறைசால் காதின் 30நாண்அடச் சாய்ந்த நலங்கிள ரெருத்தின்ஆடமைப் பணைத்தோ ளரிமயிர் முன்கைநெடுவரை மிசைஇய காந்தள் மெல்விரற்கிளிவா யொப்பி னொளிவிடு வள்ளுகிர்அணங்கென உருத்த சுணங்கணி யாகத் 35தீர்க்கிடை போகா ஏரிள வனமுலைநீர்ப்பெயற் சுழியி னிறைந்த கொப்பூழ்உண்டென வுணரா உயவும் நடுவின்வண்டிருப் பன்ன பல்காழ் அல்குல்இரும்பிடித் தடக்கையிற் செறிந்துதிரள் குறங்கின் 40பொருந்துமயி ரொழுகிய திருந்துதாட் கொப்ப வருந்துநாய் நாவிற் பெருந்தகு சீறடிஅரக்குருக் கன்ன செந்நில னொதுங்கலிற்பரற்பகை யுழந்த நோயொடு சிவணிமரற்பழுத் தன்ன மறுகுநீர் மொக்குள் 45நன்பக லந்தி நடையிடை விலங்கலிற்பெடைமயி லுருவிற் பெருந்தகு பாடினி  

காடுறை தெய்வத்திற்குக் கடன் கழித்தல்

பாடின பாணிக் கேற்ப நாடொறும்களிறு வழங்கதர்க் கானத் தல்கிஇலைஇல் மராஅத்த எவ்வந் தாங்கி 50வலைவலந் தன்ன மென்னிழன் மருங்கிற்காடுறை கடவுட்கடன் கழிப்பிய பின்றைப்  

பரிசு பெற்றோன் பெறாதோனை விளித்தல்

பீடுகெழு திருவிற் பெரும்பெயர் நோன்றாள் முரசுமுழங்கு தானை மூவருங் கூடிஅரசவை யிருந்த தோற்றம் போலப் 55பாடல் பற்றிய பயனுடை எழாஅற்கோடியர் தலைவ கொண்ட தறிநஅறியா மையி னெறிதிரிந் தொராஅதாற்றெதிர்ப் படுதலு நோற்றதன் பயனேபோற்றிக் கேண்மதி புகழ்மேம் படுந 60

பரிசு பெற்றோன் பாடின முறை

ஆடுபசி யுழந்தநின் இரும்பே ரொக்கலொடுநீடுபசி யொராஅல் வேண்டி னீடின்றெழுமதி வாழி ஏழின் கிழவபழுமர முள்ளிய பறவையின் யானுமவன்இழுமென் சும்மை யிடனுடை வரைப்பின் 65நசையுநர்த் தடையா நன்பெரு வாயில் இசையேன் புக்கென் இடும்பை தீரஎய்த்த மெய்யே னெய்யே னாகிப்பைத்த பாம்பின் துத்தி யேய்ப்பக்கைக்கச டிருந்தவென் கண்ணகன் தடாரி 70இருசீர்ப் பாணிக் கேற்ப விரிகதிர்வெள்ளி முளைத்த நள்ளிருள் விடியல்ஓன்றியான் பெட்டா அளவையி னொன்றிய  

அரசன் விருந்தோம்பலின் சிறப்பு

கேளிர் போலக் கேள்கொளல் வேண்டிவேளாண் வாயில் வேட்பக் கூறிக் 75கண்ணிற் காண நண்ணுவழி இரீஇப்பருகு அன்ன அருகா நோக்கமொடுஉருகு பவைபோ லென்பு குளிர்கொளீஇஈரும் பேனும் இருந்திறை கூடிவேரொடு நனைந்து வேற்றிழை நுழைந்த 80துன்னற் சிதாஅர் துவர நீக்கிநோக்குநுழை கல்லா நுண்மைய பூக்கனிந்துஅரவுரி யன்ன அறுவை நல்கிமழையென மருளும் மகிழ்செய் மாடத்துஇழையணி வனப்பி னின்னகை மகளிர் 85போக்கில் பொலங்கல நிறையப் பல்கால்வாக்குபு தரத்தர வருத்தம் வீடஆர வுண்டு பேரஞர் போக்கிச்செருக்கொடு நின்ற காலை  

இரவில் சுற்றத்துடன் கவலையின்றித் தூங்கி எழுதல்

மற்றவன்திருக்கிளர் கோயி லொருசிறைத் தங்கித் 90தவஞ்செய் மாக்கள் தம்முடம் பிடாஅததன்பய மெய்திய வளவை மானஆறுசெல் வருத்தம் அகல நீக்கிஅனந்தர் நடுக்க மல்ல தியாவதும்மனங்கவல் பின்றி மாழாந் தெழுந்து 95

காலையில் அரசவைக்குச் செல்லுதல்

மாலை யன்னதோர் புன்மையுங் காலைக்கண்டோட் மருளும் வண்டுசூழ் நிலையும்கனவென மருண்டவென் னெஞ்சே மாப்ப வல்லஞர் பொத்திய மனம்மகிழ் சிறப்பக்கல்லா இளைஞர் சொல்லிக் காட்டக். 100

அரசனை அணுகுதல்

கதுமெனக் கரைந்து வம்மெனக் கூஉய்அதன்முறை கழிப்பிய பின்றைப் பதனறிந்து  

உணவு கொடுத்து ஓம்பிய முறை

துராஅய் துற்றிய துருவையம் புழுக்கின்பராஅரை வேவை பருகெனத் தண்டிக்காழிற் சுட்ட கோழூன் கொழூங்குறை 105ஊழின் ஊழின் வாய்வெய் தொற்றிஅவையவை முனிகுவ மெனினே சுவையவேறுபல் லுருவின் விரகுதந் திரீஇமண்ணமை முழவின் பண்ணமை சீறியாழ்ஒண்ணுதல் விறலியர் பாணி தூங்க 110மகிழ்ப்பதம் பன்னாட் கழிப்பி யொருநாள்அவிழ்ப்பதங் கொள்கென் றிரப்ப முகிழ்த்தகை முரவை போகிய முரியா அரிசிவிரலென நிமிர்ந்த நிரலமை புழுக்கல்பரல்வறைக் கருனை காடியின் மிதப்ப. 115அயின்ற காலைப் பயின்றினி திருந்துகொல்லை உழுகொழு ஏய்ப்பப் பல்லேஎல்லையு மிரவும் ஊன்றின்று மழுங்கிஉயிர்ப்பிடம் பெறாஅ தூண்முனிந்  

ஊருக்குச் செல்லப் பரிசிலன் விரும்புதல

தொருநாள்செயிர்த்தெழு தெவ்வர் திறைதுறை போகிய 120செல்வ சேறுமெந் தொல்பதிர் பெயர்ந்தெனமெல்லெனக் கிளந்தன மாக  

அரசன் பிரிய மனமின்றிப் பரிசு வழங்கி அனுப்புதல்

வல்லேஅகறி ரொவெம் ஆயம் விட்டெனசிரறிய வன்போற் செயிர்த்த நோக்கமொடுதுடியடி யன்ன தூங்குநடைக் குழவியொடு 125பிடிபுணர் வேழம் பெட்டவை கொள்கெனத்தன்னறி யளவையின் தரத்தர யானும்என்னறி யளவையின் வேண்டுவ முகந்துகொண்டுஇன்மை தீர வந்தனென்  

கரிகால் வளவனது சிறப்புக்கள்

வென்வேல்உருவப் பஃறேர் இளையோன் சிறுவன் 130முருகற் சீற்றத் துருகெழு குருசில்தாய்வயிற் றிருந்து தாய மெய்திஎய்யாத் தெவ்வர் ஏவல் கேட்பச்செய்யார் தேஎம் தெருமரல் கலிப்பப்பவ்வ மீமிசைப் பகற்கதிர் பரப்பி 135வெல்வெஞ் செல்வன் விசும்புபடர்ந் தாங்குப் பிறந்துதவழ் கற்றதற் றொட்டுச் சிறந்தநன் னாடுசெகிற் கொண்டு நாடொறும் வளர்ப்ப  

வெண்ணிப் போர் வெற்றி

ஆளி நன்மான் அணங்குடைக் குருளைமீளி மொய்ம்பின் மிகுவலி செருக்கி 140முலைக்கோள் விடாஅ மாத்திரை ஞெரேரெனத்தலைக்கோள் வேட்டங் களிறட் டாஅங்குஇரும்பனம் போந்தைத் தோடுங் கருஞ்சினைஅரவாய் வேம்பின் அங்குழைத் தெரியலும்ஒங்கிருஞ் சென்னி மேம்பட மிலைந்த 145இருபெரு வேந்தரு மொருகளத் தவியவெண்ணித் தாக்கிய வெருவரு நோன்றாட்கண்ணார் கண்ணிக் கரிகால் வளவன்தாணிழல் மருங்கி னணுகுபு குறுகித்தொழுதுமுன் னிற்குவி ராயிற் 150

கரிகாலனது கொடையின் சிறப்பு

பழுதின்றீற்றா விருப்பிற் போற்றுபு நோக்கிநும்கையது கேளா அளவை ஒய்யெனப் பாசி வேரின் மாசொடு குறைந்த துன்னற் சிதாஅர் நீக்கித் தூயகொட்டைக் கரைய பட்டுடை நல்கிப் 155பெறலருங் கலத்திற் பெட்டாங் குண்கெனப் பூக்கமழ் தேறல் வாக்குபு தரத்தரவைகல் வைகல் கைகவி பருகிஎரியகைந் தன்ன வேடில் தாமரைசுரியிரும் பித்தை பொலியச் சூட்டி. 160நூலின் வலவா நுணங்கரில் மாலை வாலொளி முத்தமொடு பாடினி யணியக்கோட்டிற் செய்த கொடுஞ்சி நெடுந்தேர்ஊட்டுளை துயல்வர வோரி நுடங்கப்பால்புரை புரவி நால்குடன் பூட்டிக் 165காலி னேழடிப் பின்சென்று கோலின்தாறுகளைந் தேறென் றேற்றி வீறுபெறுபேரியாழ் முறையுழிக் கழிப்பி நீர்வாய்த்தண்பணை தழீஇய தளரா விருக்கைநன்பல் லூர நாட்டொடு நன்பல். 170வெரூஉப்பறை நுவலும் பரூஉப்பெருந் தடக்கைவெருவரு செலவின் வெகுளி வேழம்தரவிடைத் தங்கலோ விலனே வரவிடைப்பெற்றவை பிறர்பிறர்க் கார்த்தித் தெற்றெனச்செலவுகடைக் கூட்டுதி ராயிற் பலபுலந்து 175நில்லா வுலகத்து நிலைமை தூக்கிச்செல்கென விடுக்குவ னல்ல  

சோழ நாட்டின் வளமும் வனப்பும்

நொல்லெனத்திரை பிறழிய விரும் பெளவத்துக்கரை சூழ்ந்த அகன் கிடக்கைமா மாவின் வயின் வயினெற். 180றாழ் தாழைத் தண் டண்டலைக்கூடு கெழீஇய குடி வயினாற்செஞ் சோற்ற பலி மாங்தியகருங் காக்கை கவவு முனையின்மனை நொச்சி நிழலாங் கண் 185ஈற்றி யாமைதன் பார்ப்பு ஓம்பவும்இளையோர் வண்ட லயரவும் முதியோர்அவைபுகு பொழுதிற்றம் பகைமுரண் சொலவும்முடக் காஞ்சிச் செம் மருதின்மடக் கண்ண மயில் ஆலப் 190பைம் பாகற் பழந் துணரியசெஞ் சுளைய கனி மாந்திஅறைக் கரும்பி னரி நெல்லின் இனக் களமர் இசை பெருகவற ளடும்பி னிவர் பகன்றைத் 195தளிர்ப் புன்கின் றாழ் காவின்நனை ஞாழலொடு மரங் குழீஇயஅவண் முனையி னகன்று மாறிஅவிழ் தளவி னகன் தோன்றிநகு முல்லை யுகுதேறு வீப் 200பொற் கொன்றை மணிக் காயாநற் புறவி னடை முனையிற்சுற வழங்கும் இரும் பெளவத்திற வருந்திய இன நாரைபூம் புன்னைச் சினைச் சேப்பின் 205ஒங்கு திரை யொலிவெரீ இத்தீம் பெண்ணை மடற் சேப்பவும்கோட் டெங்கின் குலை வாழைக்கொழுங் காந்தண் மலர் நாகத்துத்துடிக் குடிஞைக் குடிப் பாக்கத்துக். 210யாழ் வண்டின் கொளைக் கேற்பக்கலவம் விரித்த மட மஞ்ஞைநில வெக்கர்ப் பல பெயரத்  

நில மயக்கமும் நல் ஆட்சியும்

தேனெய் யொடு கிழங்கு மாறியோர்மீனெய் யொடு நறவு மறுகவும் 215தீங் கரும்போ டவல் வகுத்தோர் மான் குறையொடு மது மறுகவும் குறிஞ்சி பரதவர் பாட நெய்தல்நறும்பூங் கண்ணி குறவர் சூடக்கானவர் மருதம் பாட அகவர் 220நீனிற முல்லைப் பஃறிணை நுவலக்கானக் கோழி கதிர் குத்த மனைக் கோழி தினைக் கவர வரை மந்தி கழி மூழ்ககழி நாரை வரை யிறுப்பத் 225தண் வைப்பினா னாடு குழீஇமண் மருங்கினான் மறு வின்றிஒரு குடையா னென்று கூறப்பெரி தாண்ட பெருங் கேண்மைஅறனொடு புணர்ந்த திறனறி செங்கோல் 230அன்னோன் வாழி வென்வேற் குருசில்  

காவிரியின் வெள்ளச் சிறப்பு

மன்னர் நடுங்கத் தோன்றிப் பன்மாண்எல்லை தருநன் பல்கதிர் பரப்பிக்குல்லை கரியவுங் கோடெரி நைப்பவும்அருவி மாமலை நிழத்தவு மற்றக் 235கருவி வானங் கடற்கோள் மறப்பவும்பெருவற னாகிய பண்பில் காலையும்நறையும் நரந்தமு மகிலு மாரமும்துறைதுறை தோறும் பொறையுயிர்த் தொழுகிநுரைத்தலைக் குரைப்புனல் வரைப்பகம் புகுதொறும். 240புனலாடு மகளிர் கதுமெனக் குடையக்  

காவிரி நாட்டு வயல் வளம்

கூனிக் குயத்தின் வாய்நெல் லரிந்து சூடுகோ டாகப் பிறக்கி நாடொறும் குன்றெனக் குவைஇய குன்றாக் குப்பைகடுந்தெற்று மூடையின் இடங்கெடக் கிடக்கும் 245சாலி நெல்லின் சிறைகொள் வேலிஆயிரம் விளையுட் டாகக்காவிரி புரக்கு நாடுகிழ வோனே  

பொருநராற்றுப்படை முற்றிற்று.

தனிப் பாடல்கள்

ஏரியும், ஏற்றத் தினானும், பிறர் நாட்டு வாரி சுரக்கும் வளன் எல்லாம் - தேரின், அரிகாலின் கீழ் கூஉம் அந் நெல்லே சாலும் கரிகாலன் காவிரி சூழ் நாடு. 1
அரிமா சுமந்த அமளி மேலானைத் திருமாவளவன் எனத் தேறேன்; - திரு மார்பின் மான மால் என்றே தொழுதேன்; தொழுத கைப் போனவா பெய்த வளை! 2
முச் சக்கரமும் அளப்பதற்கு நீட்டிய கால் இச் சக்கரமே அளந்ததால்-செய்ச் செய் அரிகால்மேல் தேன் தொடுக்கும் ஆய் புனல் நீர்நாடன் கரிகாலன் கால் நெருப்பு உற்று. 3