தற்போது சிம்புதேவன் இயக்கத்தில் புலி என்ற படத்தில் நடித்து வரும் விஜய், அடுத்ததாக அட்லி இயக்கத்தில் நடிக்க இருக்கிறார். இது விஜயின் அவரது 59 ஆவது படம். இப்படம் குறித்து ஏற்கனவே அதிகாரபூர்வமாக அறிவிக்கப்பட்டுவிட்டது. இந்த இரண்டு படங்களும் முடிவதற்குள் 2016 ஆம் ஆண்டு தொடங்கிவிடும்.
இந்நிலையில், விஜய் நடிக்கவிருக்கும் அடுத்தடுத்த படங்கள் பற்றிய செய்திகள் இப்போதே வெளிவரத் தொடங்கிவிட்டன. விஜய்யின் 60 ஆவது படத்தை இயக்குபவர்களின் பட்டியலில் எம். சசிகுமார், ஷங்கர், பிரபுதேவா, கௌதம் மேனன், பிரபுதேவா ஆகியோரின் பெயர்கள் இருந்தாலும், இவர்களில் பிரபுதேவா இயக்கத்தில் விஜய் நடிக்க ஒப்புக்கொண்டிருப்பதாக தகவல்கள் வெளியாகியுள்ளது. அது மட்டுமல்லாமல், பிரபுதேவா இயக்கத்தில் விஜய் நடிக்கவிருக்கும் படத்தின் கதை முழுக்க முழுக்க அமெரிக்காவில் நடைபெறுகிறதாம்.
தமிழ், தெலுங்கு என இரண்டு மொழிகளிலும் ஒரே நேரத்தில் இப்படம் உருவாகவிருக்கிறதாம். அட்லீ இயக்க உள்ள விஜய் 59 படத்திற்குப் பிறகு பிரபுதேவா இயக்கும் இப்படத்திற்கான படப்பிடிப்பு ஆரம்பமாகுமாம் எனத்தெரிகிறது.
|