கத்தி படத்தை தொடர்ந்து நடிகர் விஜய் சிம்பு தேவன் இயக்கத்தில் புலி என்ற படத்தில் நடித்து வருகிறார். இந்த படத்தில் விஜய்க்கு ஜோடியாக ஸ்ருதிஹாசன், ஹன்சிகா நடித்து வருகிறார்கள். ஸ்ரீதேவி கபூர், நான் ஈ சுதீப் ஆகியோரும் முக்கிய கதாபாத்திரத்தில் நடித்து வருகின்றனர். தேவி ஸ்ரீபிரசாத் இசையமைத்து வருகிறார்.
இந்த படத்தில் விஜய் 3 வேடத்தில் நடிப்பதாக கூறப்படுகிறது. இந்நிலையில், இப்படத்தை விஜய்யின் பிறந்தநாளான ஜுன் 22-ந் தேதி வெளியிட படக்குழுவினர் திட்டமிட்டுள்ளார்களாம். அன்றைய தேதியில் வெளியானால் விஜய் ரசிகர்களுக்கு பிறந்தநாள் பரிசாக இப்படம் இருக்கும் என முடிவெடுத்து, தற்போது இப்படத்தின் பணிகளை முடுக்கி விட்டுள்ளார்களாம். இப்படத்தின் படப்பிடிப்பு தற்போது விறுவிறுப்பாக கேரளாவில் நடைபெற்று வருகிறது.
|