வீரம் படத்தை இயக்கிய சிவா இயக்கத்தில் அஜித், ஸ்ருதி ஹாசன், லட்சுமி மேனன், சூரி என பல சினிமா நட்சத்திரங்களின் நடிப்பில் உருவாகி வரும் படம் வேதாளம். இந்த படத்திற்கு அனிருத் இசை அமைக்கிறார்.
வேதாளம் படத்தின் தலைப்பும், ஃபர்ஸ்ட் லுக் போஸ்டரும் கடந்த வாரம் தான் வெளியானது. இந்நிலையில் வரம், வெட்டி விலாஸ், அடங்காதவன் உள்ளிட்டப் பல பெயர்கள் பரிசீலனையில் இருக்கையில் வேதாளம் என பெயர் வைத்ததும், ஒரு மாஸ் ஹீரோவின் படத்திற்கு வைக்கப்பட்ட பெயரா இது என பலரும் விமர்சித்தனர்.
எனினும் கடந்த வியாழக்கிழமை வெளியான புலி படத்தைப் பார்க்கையில் படத்தின் தலைப்பு தற்போது ரசிகர்கள் மத்தியில் பல்வேறு விதமாக பேசப்பட்டு வருகிறது. புலி படத்தின் ஒவ்வொரு காட்சியிலும் வேதாளம், வேதாள உலகம் என சொல்லப்படுவதைக் கண்ட அஜீத் ரசிகர்கள், வேதாளம் படத்திற்கு விளம்பரமா என ஒரு பக்கம் பேசிக்கொண்டிருக்கிறார்கள், மற்றொரு பக்கம் புலி படத்தில் வேதாளம்தான் வில்லன் என விஜய் ரசிகர்களும் மாறி மாறி சமூக வலைத்தளங்களில் தங்களது கருத்துக் கணைகளை ஏவிய வண்ணம் உள்ளனர்.
|