பிரதமர் பதவி, கல்யாணம் ரெண்டுமே எனக்கு வேண்டாம் - ராகுல் காந்தி !

பிரதமராக விரும்புகிறீர்களா என்று என்னிடம் கேள்வி கேட்காதீர்கள் என காங்கிரஸ் துணைத் தலைவர் ராகுல் காந்தி கூறியுள்ளார். காங்கிரஸ் கட்சி எம்.பி.களின் கூட்டம் டெல்லியில் நேற்று நடந்தது. இதில் கலந்து கொண்ட ராகுல் காந்தி எம்.பிக்களின் கேள்விகளுக்கு பதில் அளித்தார். அப்போது அவர் கூறியதாவது, என்னிடம் பிரதமராக விரும்புகிறீர்களா எனக் கேட்பது தவறான கேள்வி. இதுபோன்ற கேள்விகளை இனி என்னிடம் கேட்காதீர்கள். பிரதமராகும் எண்ணம் தற்போது எனக்கு இல்லை என அவர் தெரிவித்தார். எனக்கு தற்போதைக்கு திருமணம் செய்து கொள்ளும் எண்ணமும் இல்லை. நான் திருமணம் செய்து கொண்டால் குழந்தைகள் இருக்கும். அதனால் மற்ற தலைவர்களைப் போல நானும் எனது குழந்தைகளை எனது பதவிக்கு கொண்டுவர விரும்பும் நிலைக்கு தள்ளப்படுவேன் என்றார். மேலும் கட்சியை பலபடுத்துவதே எனது முழுநேர சிந்தனை என அவர் தெரிவித்துள்ளார்.