மான் கராத்தே படத்தை தொடர்ந்து, நடிகர் சிவகார்த்திகேயன் நடிப்பில் கடந்த வெள்ளி கிழமை அன்று வெளிவந்திருக்கும் படம் காக்கிசட்டை.
இந்த படத்தை துரை செந்தில் குமார் இயக்க, சிவகார்த்திகேயனுக்கு ஜோடியாக ஸ்ரீ திவ்யா நடித்துள்ளார். இவர்கள் தவிர பிரபு, இமான் அண்ணாச்சி, மனோபாலா உள்ளிட்ட பலர் இந்த படத்தில் நடித்துள்ளனர்.
ஒரு பக்கம் ஆக்ஷனுக்குரிய அத்தணை அம்சங்களும் உள்ளன. சிவகார்த்திகேயன் அடுத்த ஸ்டெப் என ஒரு தரப்பு கூறினாலும், மற்றொரு தரப்பு பழைய கதைதான், அதே பாணி ஆக்ஷன் சீன்கள், காமெடி, ஆக்ஷன் என இரண்டிலும் சற்று அரைகுறை என்பது போல் கலவையான விமர்சனங்கள் உருவாகியுள்ளன.
சரி விமர்சனம் தான் இப்படி இருக்கு.. கலெக்க்ஷன் எப்படி இருக்குனு பார்த்தா... வசூலில் சற்று மந்த நிலையே நிலவி வருவதாக சொல்கிறார்கள் தியேட்டர் உரிமையாளர்கள். ஆனாலும், விடுமுறை நாட்களில் பரவாயில்லை என்றும் சொல்கிறார்கள். உலகம் முழுவதும் சுமார் 700க்கும் மேற்பட்ட திரையரங்குகளில் காக்கி சட்டை வெளியாகியுள்ளதாம்.
இந்நிலையில் காக்கி சட்டை படத்தை தொடர்ந்து சிவகார்த்திகேயன் நடிப்பில் பொன்ராம் இயக்கத்தில் உருவாகி இருக்கும் ’ரஜினி முருகன்’ படம் 40 கோடிக்கு விலை போயுள்ளதாக தகவல்கள் கசிந்துள்ளன.
ஏற்கனேவே பொன்ராம் இயக்கத்தில், சிவகார்த்திகேயன் நடித்த வருத்தப்படாத வாலிபர் சங்கம் படம் மெகா ஹிட் வெற்றி பெற்றதே இதற்கு காரணம் என சொல்கிறது... கோலிவுட் வட்டாரங்கள்...
|
