நடிகர் சிவகார்த்திகேயன் தற்போது, காக்கிசட்டை, ரஜினி முருகன் ஆகிய படங்களில் நடித்து வருகிறார். இதில் செந்தில்குமார் இயக்கிய காக்கி சட்டை படம் முதலில் பொங்கலுக்கு வருவதாக இருந்தாது, ஆனால் தற்போது படத்தின் ரிலீஸ் ஜனவரி கடைசி வராத்துக்கு தள்ளி வைக்கப்பட்டிருக்கிறது.
பொன்ராம் இயக்கத்தில், சிவகார்த்திகேயன் நடித்து வரும் ரஜினி முருகன் படத்தின் படப்பிடிப்பு சென்னை மற்றும் சுற்றுப்புறங்களில் விறுவிறுப்பாக நடந்து வருகிறது. இரண்டாவது கட்ட படப்பிடிப்பு தற்போது நடந்து கொண்டிருக்கிறது. மூன்றாம் கட்ட படப்பிடிப்பு இம்மாதம் 23-ஆம் தேதி துவங்கி மார்ச் மாதம் 4-ஆம் தேதி வரை தொடர்ந்து நடைபெறவிருக்கிறது. அதோடு படப்பிடிப்பு நிறைவடைகிறது. சிவகார்த்திகேயனின் காக்கிச் சட்டை படத்தை தொடர்ந்து ரஜினி முருகன் படத்தை அஜித்தின் பிறந்த நாள் மற்றும் உழைப்பாளர் தினமான மே-1ஆம் தேதி ரிலீஸ் செய்ய திட்டமிட்டுள்ளனர். திருப்பதி பிரதர்ஸ் நிறுவனம் தயாரிக்கும் இப்படத்தில் சிவகார்த்திகேயனுக்கு ஜோடியாக கீர்த்தி சுரேஷ் நடிக்க, டி.இமான் இசை அமைக்கிறார் என்பது குறிப்பிடதக்கது.
|