’அட்டக்கத்தி’, ‘மெட்ராஸ்’ ஆகிய படத்தை இயக்கிய பா.ரஞ்சித் இயக்கத்தில் சூப்பர் ஸ்டார் ரஜினிகாந்த் நடிக்க இருப்பதாக சமீபத்தில் தகவல்கள் வெளியாகின. தற்போது அந்தத் தகவல்கள் அதிகாரப்பூர்வமாக அறிவிக்கப்பட்டுள்ளன. இந்த படத்தை தாணு தயாரிக்கிறார்.
இந்தப் படத்தில் கதாநாயகனாக ரஜினி நடிக்கிறார் என்பது அனைவரும் அறிந்ததே. கதாநாயகி உட்பட படத்தில் நடிக்கும் நடிகர்கள், நடிகைகள் தேர்வு தற்போது நடைபெற்று வருகிறது மற்ற தொழில்நுட்ப கலைஞர்கள் குறித்த தகவல்கள் தற்போது அறிவிக்கப்பட்டுள்ளன.
இப்படத்துக்கு சந்தோஷ்நாராயணன் இசையமைக்கிறார். மெட்ராஸ் படத்துக்கு ஒளிப்பதிவு செய்த முரளி ஜி இப்படத்துக்கு ஒளிப்பதிவு செய்கிறார். பாடல்கள் கபிலன், உமாதேவி, கானா பாலா, கலை, இயக்கம் ராமலிங்கம், படத்தொகுப்பு - பிரவீன் கே.எல். ,சண்டைப்பயிற்சி அன்பு ,அறிவு, நடனம் - சதீஷ், ஒலி வடிவமைப்பு ரூபன்.
ஆகஸ்ட் மாதம் மலேசியாவில் படப்பிடிப்பு தொடங்கி, 60 நாட்கள் நடைபெறுகின்றன. அதைத் தொடர்ந்து தாய்லாந்து, ஹாங்காங்க் மற்றும் சென்னையில் 60 நாட்கள் படப்பிடிப்பு நடைபெற உள்ளது. தற்போது இப்படத்தின் அடுத்த கேள்வி ஹீரோயின் , மற்ற நடிகர்கள் யார் என்பதே.
|
