நடிகர் விஜயகாந்தின் இளைய மகன் சண்முக பாண்டியன் கதாநாயகனாக அறிமுகமாகும் படம் சகாப்தம். இந்த படத்தில் அவருக்கு ஜோடியா நேகாவும், சுப்ரா ஐயப்பாவும் நடித்துள்ளனர்.
மேலும் இவர்களோடு, சிங்கம் புலி, ஜெகன், ‘பவர் ஸ்டார்’ சீனிவாசன், தேவயானி, ரஞ்சித் உள்ளிட்ட பலர் இந்த படத்தில் நடித்திருக்கிறார்கள். அறிமுக இயக்குநர் சுரேந்தர் இந்த படத்தை இயக்கி இருக்கிறார். நடிகர் விஜயகாந்தும் இந்த படத்தில் சிறப்பு தோற்றத்தில் நடித்துள்ளாராம். படத்தின் சென்சார் பணிகள் அனைத்தும் முடிவடைந்த நிலையில் படம் எப்போது வெளியாகும் என்பதை அறிவிக்காமல் இருந்தார்கள்.
இந்நிலையில், தற்போது ஏப்ரல் 2ம் தேதி 'சகாப்தம்' வெளியாகும் என்று படத்தின் தயாரிப்பு நிறுவனமான கேப்டன் சினி கிரியேஷன்ஸ் அறிவித்திருக்கிறது.
ஏப்ரல் 2ம் தேதி கமல் நடிப்பில் உருவாகியிருக்கும் 'உத்தம வில்லன்', உதயநிதி ஸ்டாலின், சந்தானம் நடிப்பில் உருவாகியிருக்கும் 'நண்பேன்டா' உள்ளிட்ட படங்கள் வெளியாக இருக்கிறது. இந்த படங்களுடன் மோதி, வசூலில் சகாப்தம் சாதனை படைக்குமா என்பதை பொறுத்திருந்து தான் பார்க்கவேண்டும்.
|