சனிப்பெயர்ச்சி - மீன ராசி பலன்கள் (2017 - 2020)

ஜோதிட இமயம் அபிராமி சேகர் – 99948 11158  

பூரட்டாதி 4ம் பாதம், உத்தரட்டாதி, ரேவதி

(த, தீ, து, தோ, ச, சா, சி, ஆகிய எழுத்துக்களைப் பெயரின் முதல் எழுத்தாகக் கொண்டவர்களும் பங்குனி மாதத்தில் பிறந்தவர்களுக்கும் இப்பலன்கள் ஓரளவு பொருந்தி வரும்)

வான மண்டலத்தில் 12அது ராசியாக உள்ள உங்கள் மீன ராசிக்கு அதிபதி கிரகம் குருவாகும். தெய்வத்திற்கும் மனச்சாட்சிக்கும் கட்டுப்பட்டவர்கள் நீங்கள். எப்பொழுதும் எதையும் நிதானமாக யோசித்துச் செயல்படும் ஆற்றல் உடையவர்கள். எப்பொழுதும் சுறுசுறுப்பாக செயல்படும் ஆற்றலும் மற்றவர்களை மதித்து நடக்கும் பண்பும் உடையவர்கள். எதிலும் ஈடுபாட்டுடன் முனைந்து செயல்படும் நீங்கள் மற்றவர்களின் உணர்வுகளுக்கும் உணர்ச்சிகளுக்கும் முக்யத்துவம் கொடுப்பவர்கள் ஆவிர்கள்.

இப்படிப்பட்ட குணம் உடைய உங்கள் மீன ராசிக்கு சனிபகவான் உங்கள் ராசிக்கு இதுவரை 9ம் இடத்தில் சஞ்சரித்தவர் இனி 10ம் இடமான தொழில் ஜீவ ஸ்தானத்திற்கு வந்து பலன் அளிக்க உள்ளார். சனி பகவான் உங்கள் ராசிக்கு 11, 12 மற்றும் வீட்டுற்கதிபதியாவார், அவர் உங்கள் ராசிக்கு இப்பொழுது 10ம் வீட்டில் சஞ்சாரம் செய்ய உள்ளார். பொதுவாகவே சனி பகவான் 10ம் வீட்டில் சஞ்சாரம் செயவது சிறப்பில்லை என்று பொதுவாகச் சொல்லப்பட்டுள்ளது. எனவே அவை பற்றிய கவலையை விட்டுவிட்டு இனி என்ன மாதிரியான பலன்களை உங்களுக்கு அளிக்க உள்ளார் என்பதைப் பார்ப்போம்.

உங்களுக்கென்று சமூகத்தில் மதிப்பும் மரியாதையும் அந்தஸ்த்தும் அதிகரிக்கும். இதுவரை உங்களைப்பற்றிய தவறான பார்வை மாறி பெயர் புகழ் அந்தஸ்து சற்று கூடும். அரசாங்க விஷயங்கள் சற்று லாபகரமாக இருந்து வரும். இதுவரை அரசாங்க விஷயத்தில் இருந்து வந்த முட்டுக்கட்டைகள் நீங்கி சாதகமான செய்திகள் வந்து சேரும். எதைச் செய்ய ஆரம்பித்தாலும் எடுத்தோம் முடித்தோம் என்றில்லாமல் சற்று வேகமாக முயற்சி எடுத்தீர்கள் என்றால் எண்ணிய எல்லாம் இனிதே நடந்தேறும். எப்பவும் அவசரப்படாமல் எதிலும் சற்று நிதானித்துச் செயல்படுவீர்கள் என்றால் வெற்றி நிச்சயமாகும்.

தேவையில்லாமல் பணத்தை மிச்சப்படுத்தாமல் தேவையான விஷயத்திற்கு தேவையான செலவுகளைச் செய்து வரவும். அப்பத்தான் விரையச் செலவுகளைக் கட்டுப்படுத்த முடியும். அடிக்கடி அலைச்சல்கள் ஏற்படும். அடிக்கடி பயணங்கள் ஏற்படும். அதனால் தேவையற்ற பிரச்சனைகளும் ஏற்பட்டு விலகும். பேச்சில் சற்று கவனமாக இருத்தல் வேண்டும். பணப்புழக்கம் சற்று தாரளமாக இருந்து வரும். தேவையற்ற விஷயங்களைப் பற்றிப் பேசுதல் கூடாது. போக்குவரத்து வண்டி வாகனங்களில் அதிக எச்சரிக்கையுடன் சென்று வருதல் வேண்டும். 

அடிக்கடி வீடு மாற அல்லது ஊர் மாற வேண்டிய அவசியம் வந்து சேரும். எடுக்கும் முயற்சிகளில் சற்று கவனம் தேவை. எதிர்பார்த்த செய்திகள் சாதகமாக இராது. புதிய விஷயங்களைக் கற்பதில் அதிகக் கவனம் செலுத்துதல் வேண்டும். சகோதர சகோதரிகளால் தேவையற்ற மனக் குழப்பங்களும் பிரச்சனைகளும் ஏற்பட்டு விலகும். உறவுகளால் தேவையற்ற பிரச்சனைகள் ஏற்பட்டு மனவருத்தங்கள் ஏற்படும். நெருங்கிய உறவினர்களை விட்டுப் பிரிய நேரிடும், பழைய பொருளை விற்றுப் புதிய பொருட்கள் அல்லது சொத்துக்கள் வாங்க வேண்டியது வரும். அல்லது வீடு மராமத்து மற்றும் தேவையற்ற விரையங்கள் ஏற்பட்டு விலகும். வீடு வாடகை அல்லது ஒத்திக்குப் போவதில் முட்டுக்கட்டை ஏற்படும் பின் நிறைவேறும். நல்ல வசதியான வீடு ஒரு சிலருக்கு அமையும். 

மனை, வீடு, வண்டி வாகனங்கள் வாங்குவதில் இருந்து வந்த இழுபறி நீங்கி அவைகளை வாங்க வேண்டிய சந்தர்ப்பம் அமையும். கல்வியில் இருந்து வந்த தடைகள் நீங்கி நல்ல கல்வி பயில வாய்ப்பு அமையும். வேலையில் இருந்து வந்த தடைகள் கடினமான போராட்டங்களுக்குப் பின் விலகும். பார்க்கும் வேலையில் திருப்தியற்ற சூழ்நிலை இருந்து வரும். கடன் வாங்க வேண்டியது வரும். பழைய கடனை அடைக்கப் புதிதாக கடன் வாங்க வேண்டியது வரும். 

போட்டித் தேர்வுகளில் நல்ல வெற்றி வாய்ப்பும் அதனால் ஒரு சிலருக்கு நல்ல வேலை உத்யோகம் அமைய வாய்ப்பு ஏற்படும். கேட்ட இடத்தில் பணம் கிடைக்கும். வழக்குகள் சற்று சாதகமாக அமையும். விவகாரத்து கேட்பவர்களுக்கு விவகாரத்து கிடைக்கும். தாய் மாமன்களால் எதிர்பாராத நனமையேற்படும். வீட்டு வளர்ப்புப் பிராணிகளால் நன்மையேற்படும். 

இதுவரை திருமணத்தில் இருந்த தடை நீங்கி திருமணம் இனிதே நடந்தேறும். சுப நிகழ்ச்சிகளில் அடிக்கடி கலந்து கொள்ள வாய்ப்பு அமையும். கணவன் மனைவி உறவு சீராக இருந்து வரும். காதல் விஷயங்கள் மகிழ்ச்சிகரமாக இருக்கும். நண்பர்களால் தேவையற்ற மனவருத்தங்களும் வேதனைகளும் ஏற்படும். தாயாரின் உடல் நலத்தில் அதிக அக்கறை செலுத்துதல் வேண்டும். புதிய நட்புகளால் எதிர்பார்த்த நன்மைகளும் அமையும். 

வேலை அல்லது உத்யோகம் (JOB)

உங்கள் ராசிக்கு 10ம் இடத்தில் சனி சஞ்சாரம் செய்வது சிறப்பில்லை என்று ஆதிநூல்கள் குறிப்பிட்டாலும் நடைமுறையில் அப்படி இல்லை. அவர் 10ம் இட்த்தில் சஞ்சாரம் செய்வதால் வேலையில்லாதவர்களுக்கு வேலை கிடைக்கச் செய்வார். வேலையில் முன்னேற்றமும் ஊதியமும் அமையும். பார்க்கும் வேலையை அவசரப் பட்டுவிட்டு விடாமல் மனப்பூர்வமாக கிடைக்கும். வேலையில் கவனம் செலுத்துதல் வேண்டும். ஒரு சிலருக்கு அரசு வேலை கிடைக்க வாய்ப்பும் அமையும். சக ஊழியர்களால் நன்மையேற்படும். உயர் அதிகாரிகள் விஷயத்தில் அதிக எச்சரிக்கை தேவை. வேலையின் நிமித்தமாக ஒரு சிலர் வெளிநாடு செல்ல சந்தர்ப்பமும் சூழ்நிலையும் அமையும். 

தொழில் (BUSINESS) வியாபாரம் (TRADE)

சுயதொழில் தொடங்க ஒரு சிலருக்கு வாய்ப்பு கிட்டும். கூட்டுத் தொழிலில் பார்ட்னர்களால் தேவையற்ற பிரச்சனைகள் ஏற்படும். உற்பத்தி சார்ந்த தொழில்கள் லாபகரமாக அமையும். அதே சமயம் கமிஷன், ஏஜென்ஸி, புரோக்கர்ஸ், கான்ட்ரக்டர்ஸ் கன்சல்டன்சி சற்று தாமதமாகவே இருந்து வரும். போக்குவரத்து தகவல் தொடர்பு, பத்திரிக்கை, சற்று லாபம் குறைந்தும் சிறு தொழில்கள் குறுந் தொழில்களில் தேவையற்ற முதலீட்டைத் தவிர்த்தல் நலம். பங்குச் சந்தை சற்று சுமாராக இருந்து வரும். முதலாளி, தொழிலாளி உறவுகள் நன்கு அமையும். சினிமா, லாட்டரி, ரேஸ், கிளப், சூதாட்டம் லாபகரமாக அமையும். மருத்துவம், விஞ்ஞானம், பொறியியல், இரும்பு எஃகு, சிமெண்ட், நிலக்கரி தாது மற்றும் கனிமவளங்கள் உற்பத்தி அதிகரித்தும் லாபம் சற்று அதிகரித்தும் காணப்படும். பெட்ரோல், டீசல், எரிவாயு லாபம் கூடியும் கனரகத் தொழில்களில் உற்பத்தி அதிகரித்தும், ஒட்டல், உணவு, சுற்றுலாத் துறைகள் சற்று லாபம் குறைந்தும் காணப்படும். நிதி, நீதி, வங்கி, இன்சூரன்ஸ் துறைகள் லாபகரமாகவும் முகவர்கள் அலைந்து திரிந்து தொழில் செயவர்களுக்கு லாபம் குறைந்தும் கப்பல், நீர், மீன்பிடித் தொழில்களில் லாபம் குறைந்தும் காணப்படும். பிளாஸ்டிக் மரம், உப்பு அழகு சாதனப் பொருட்கள் உற்பத்தி கூடியும் லாபம் சற்று குறைந்தும் காணப்படும். சாலையோர வியாபாரம் லாபகரமாக அமையும்.

விவசாயம்

சாகுபடிகள் சற்று சுமாராக இருந்து வரும். சாகுபடி பரப்பளவு அதிகரிக்கும். உற்பத்தி சற்று குறைந்தாலும் லாபம் அதிகரிக்கும். நெல், கோதுமை, வாழை இவைகள் லாபகரமாகவும் காய்கறிகள், பழங்கள், பூக்கள் லாபம் குறைந்தும் ஏலம், மிளகு முந்தரி போன்ற பனப்பயிர்கள் உற்பத்தி மற்றும் லாபம் அதிகரித்தும் காணப்படும். விவசாய மான்யக்கடன் சற்று எளிதாகக் கிடைக்கும். 

அரசியல்

நெருக்கடியான நேரங்களில் சரியான முடிவு எடுத்தல் வேண்டும். அரசாங்க விஷயங்களில் அதிக எச்சரிக்கை தேவை. தேவையற்ற விஷயங்களில் தலையிடுதல் கூடாது. அதே சமயம் தொண்டர்களின் அன்பும் ஆதரவும் அதிகரித்துக் காணப்படும். வழக்குகள் சாதகமாக இருந்து வரும். தலைமையிடத்தில் கவனமாகப் பேசிப் பழகுதல் வேண்டும். பொருளாதார நிலை சீராக இருக்கும். தனித்தன்மையை விட்டுக் கொடுக்காமல் மக்களுக்கான தொண்டு செய்வதை அதிகரித்தல் வேண்டும்.

கலை

கலைஞர்களுக்கான சற்று ஏற்றமான காலமாகும். நடிப்பு, ஒப்பனை, உடை அலங்காரம், டப்பிங் வாய்ஸ், அழகுக் கலை, இசை, ஓவியம் நடனம், நட்டியம், ஜோதிடம், சிற்பம், சினிமா, சின்னத்திரை சாதகமாக இருந்து வரும். புதிய ஒப்பந்தங்கள் ஒரு சிலருக்கு அமையும். வெளிநாடு செல்ல வாய்ப்பு ஒரு சிலருக்கு கிட்டும். பரிசும் பணமும் வந்து சேரும். பணப்புழக்கம் ஓரளவு தாரளமாகப் புழங்கும். 

மாணவர்கள்

படிப்பில் அதிகக் கவனம் தேவை. எதிர்பார்த்த மதிப்பெண் கிடைப்பதில் சற்று தடையேற்படும். தேவையற்ற விஷயங்களில் கவனம் செலுத்துதல் கூடாது. போக்குவரத்து வண்டி வாகனங்களில் அதிக எசரிக்கை தேவை. விளையாட்டுகளில் ஆர்வமும் திறமையும் கூடும். கல்விக் கடன்கள் எளிதாகக் கிடைக்கும். விரும்பிய பள்ளி கல்லூரிகளில் இடம் கிடைக்கப் போராட வேண்டியது வரும். போட்டித் தேர்வுகளில் வெற்றி கிட்டும்.

பெண்கள்

வேலையில் அதிகக் கவனம் செலுத்துதல் வேண்டும். பார்க்கும் வேலையில் ஒரு திருப்தியற்ற நிலை இருந்தாலும் அவசரப்பட்டு வேலையை விட்டு விடுதல் கூடாது. வேலை தேடுபவர்களுக்கு வேலை எளிதில் அமையும். அரசு வேலை கிடைக்கவும் ஒரு சிலருக்கு வாய்ப்பு கிட்டும். உடன் பணிபுரிபவர்களால் தேவையற்ற மனச்சஞ்சலங்கள் ஏற்படும். உயரதிகாரிகள் சாதகமாக அமைவர். அடிக்கடி ஆடை, ஆபரணச் சேர்க்கை அமையும். விருந்து கேளிக்கைகள் சுற்றுலா மகிழ்ச்சிகரமாக அமையும். காதல் விஷயங்கள் சாதகமாக இருந்து வரும். கணவன் மனைவி உறவு நன்றாக இருக்கும். இரண்டாவது திருமணத்திற்கு ஒரு சிலருக்கு வாய்ப்பு அமையும். குழந்தைகளால் எதிர்பாராத நன்மை ஏற்படும். குடும்பத்தில் புதுவரவால் மகிழ்ச்சி அமையும். உடல் ஆரோக்யத்தில் நன்கு கவனம் தேவை. தேவையற்ற விஷயங்களைப் பற்றிப் பேசுதல் கூடாது. கணவரின் உடல் நலத்தில் சற்று கவனம் செலுத்துதல் வேண்டும். 

உடல் ஆரோக்யம்

உடல் ஆரோக்யத்தில் அதிகக் கவனம் தேவை. உடலில் சளித் தொல்லைகள் ஏற்படாமல் கவனித்தல் நலம். நெஞ்சு, வயிறு, கால் போன்ற உடல் உறுப்புகளில் பிரச்சனை வராமல் பார்த்துக் கொள்ளல் அவசியம். உடலில் சிறு பிரச்சனை என்றாலும் நல்ல மருத்துவரை அணுகுதல் வேண்டும்.

சனி பகவானின் வக்ரம் மற்றும் வக்ர நிவர்த்திப் பலன்கள் (மூலம், பூராடம், உத்தராடம், கேட்டை)

மூலம்

சனி பகவான் மூல நட்சத்திரத்தில் சஞ்சரிக்கும் பொழுது கேது பகவான் உங்கள் ராசிக்கு 11 மற்றும் 10ம் இடங்களில் கோச்சாரத்தில் சஞ்சாரம் செய்வார். இக்காலங்களில் வேலை தேடுபவர்களுக்கு வேலை கிடைக்கும். சமூகத்தில் உங்களது மதிப்பு மரியாதையும் கூடும். அரசாங்க விஷயங்கள் சாதகமாக இருந்து வரும். பெரிய முதலாளிகளாக அல்லது தொழில் முனைவோர்களாக ஒரு சிலர் உருவாவர்கள். வேலை தேடுபவர்களுக்கு வேலை எளிதாகக் கிடைக்கும். உழைப்புக்கேற்ற ஊதியமும் அந்தஸ்தும் அதிகரிக்கும். வருமானம் கூடும். கடன்கள் கட்டுக்குள் இருக்கும். எடுக்கும் காரியங்கள் சாதகமாக அமையும். நண்பர்களால் நன்மையேற்படும். உயரதிகாரிகளின் அன்பும் ஆதரவும் கிட்டும். கணவன் மனைவி உறவு சாதகமாக இருந்து வரும். காதல் விஷயங்கள் மகிழ்ச்சிகரமாக அமையும். 

பூராடம்

சனி பகவான் பூராட நட்சத்திரத்தில் சஞ்சரிக்கும் பொழுது தேவையற்ற விஷயங்களில் ஈடுபடுவதோ தலையிடுவதோ கூடாது. பேச்சைத் தவிர்த்தல் நலம். எடுக்கும் முயற்சிகளில் வலுவான போராட்டங்களுக்கிடையே காரியம் நடந்தேறும். எப்பொழுதும் சுறுசுறுப்பாக இருக்கப் பழகுதல் வேண்டும். அன்றைய வேலையை அன்றே முடித்தல் நலம். உடன் பிறந்தவர்களால் தேவையற்ற மனக் குழப்பங்கள் வருத்தங்கள் வந்து போகும். நெருங்கிய உறவினர்களை விட்டுப் பிரிய நேரிடும். போக்குவரத்தில் அதிக எச்சரிக்கை தேவை. உயர்கல்வி பயிலத் தடையேற்பட்டுப் பின் தடை நிவர்த்தியாகும். தாயாரின் உடல் நலத்தில் அதிக அக்கறை தேவை. அடிக்கடி இடமாற்றம் அலைச்சல்கள் அதிகரிக்கும். இருக்கும் பொருட்கள்: கையை விட்டுப் போகும்.

உத்தராடம்

சனி பகவான் உத்தராட நட்சத்திரத்தில் சஞ்சரிக்கும் பொழுது பொருளாதார சூழ்நிலையில் இருந்து வந்த மந்தநிலை மாறிப் பணப்புழக்கம் அதிகரித்துக் காணப்படும். அரசாங்க விஷயங்கள் சாதகமாக அமையும். பங்குச் சந்தை ஏற்றமாக அமையும். அரசியல் சமுதாய வாழ்வு நன்கு அமையும். கொடுத்த பணம் பொருள் தாரளமாக கைக்கு வந்து சேரும். வேலை தேடுபவர்களுக்கு வேலை கிடைக்கும். வேலையில் முன்னேற்றமும் அதனால் எதிர்பார்த்த ஊதியமும் அமையும். குழந்தை பாக்யம் இல்லாதவர்களுக்கு குழந்தை பாக்யம் அமையும். காதல் விஷயங்கள் சந்தோஷகரமாக அமையும். சுப நிகழ்ச்சிகளில் அடிக்கடி கலந்து கொள்ள வாய்ப்பும் சந்தர்ப்பமும் கிட்டும். விருந்து சுற்றுலா இவைகளில் உற்சாகமும் ஆர்வமும் கூடும்.

கேட்டை

கேட்டை நட்சத்திரத்தில் சஞ்சாரம் செய்யும் பொழுது நல்ல கல்வி உயர்கல்வி அமைய வாய்ப்புகள் அமையும். மேலும் தாயாரால் எதிர்பாராத உதவிகள் கிட்டும். வேலையில் ஒரு திருப்தியற்ற சூழ்நிலை நிலவும். பார்க்கும் வேலையில் அவசரப்பட்டு விட்டுவிடுதல் கூடாது. காலி மனை, விடு, வண்டி வாகனங்கள் வாங்க வாய்ப்பு அமையும். அதே சமயம் உடல் ஆரோக்யம் சற்று சுமாராகவே இருந்து வரும். எப்பொழுதும் சுறுசுறுப்பாக இருக்கப் பழகுதல் வேண்டும். நேரத்திற்கு உணவு அருந்துதல் நலம் கூடியவரை விரதத்தைத் தவிர்த்தல் நலம். 

பூரட்டாதி நட்சத்திரத்தில் பிறந்தவர்களுக்கு

பூரட்டாதி நட்சத்திரத்தில் பிறந்த உங்களுக்கு கையில் பணப்புழக்கம் தாரளமாக இருந்து வரும். பேச்சில் சாமர்த்தியம் கூடும். பணம் பொருள் பத்திரங்கள் திரும்ப கைக்கு வந்து சேரும். உயர்கல்வி பயில ஒரு சிலருக்கு வாய்ப்புகள் வந்து சேரும். வேலையின் காரணமாக வெளிநாடு செல்லும் யோகமும் ஒரு சிலருக்கு வந்தமையும். மனதில் தைரியமும் தன்னம்பிக்கையும் அதிகரிக்கும். சகோதர சகோதரிகளுக்கு சுப காரியங்கள் நடந்தேறும். வேலை வாய்ப்பு போன்ற முன்னேறங்கள் நடந்தேறும். புதிய நட்பு வட்டாரம் உருவாகும். நண்பர்களால் எதிர்பாராத நன்மையேற்படும். பிரிந்த உறவினர்கள் ஒன்று சேர்வர். அரசாங்க விஷயங்கள் சாதகமாக அமையும். ஒரு சிலருக்கு அரசு வேலை வாய்ப்பு கிடைக்கக் கூடிய காலமாகும். அடிக்கடி ஆன்மீக விஷயமாக ஆலய தரிசனம் தெய்வ தரிசனம் கிட்டும். விசா, பாஸ்போர்ட் போன்ற வெளிநாட்டு விசயங்கள் சாதகமாக அமையும். முதலாளிகளாக ஒரு சிலர் உருவெடுப்பார்.

உத்தரட்டாதி நட்சத்திரத்தில் பிறந்தவர்களுக்கு

உத்தரட்டாதி நட்சத்திரத்தில் பிறந்த உங்களுக்கு எதிர்பாராத செய்திகள் எதிர்பார்த்த செய்திகள் இரண்டும் சாதகமாக அமையும். அரசாங்க விஷயங்களில் ஆரம்பத்தில் சற்று தடையேற்படுவது போல் தோன்றினாலும் இறுதியில் வெற்றி அமையும். உயர் கல்வி பயில வாய்ப்பும். அதன் காரணமாக ஒரு சிலர் வெளியூர், வெளிநாடு செல்லவும் சந்தர்ப்பங்கள் வந்து சேரும். ஒரு சிலருக்கு போட்டித் தேர்வில் வெற்றி பெற்று அரசு வேலை கிடைக்க வாய்ப்புகள் வந்து சேரும். மேலும் சமூகத்தில் மதிப்பும் அந்தஸ்தும் கூடும். தேவையற்ற விரையங்களும் நஷ்டங்களும் வைத்யச் செலவுகளும் வந்த வண்ணம் இருக்கும். தேவையான விஷயங்களில் மட்டும் முதலீடு செய்தால் போதுமானது ஆகும். உடல் ஆரோக்யத்தில் அதிக அக்கறை செலுத்துதல் வேண்டும்.

ரேவதி நட்சத்திரத்தில் பிறந்தவர்களுக்கு

சுய தொழில்கள் செய்ய வாய்ப்பு அமையும். புதிய தொழில்கள் தொடங்கவும் பார்டனர்ஷிப்போடு தொழில் செய்யவும் ஒரு சிலருக்கு வாய்ப்பு கிட்டும். உயர் கல்வியில் அதிகக் கவனம் செலுத்துதல் வேண்டும். உடல் ஆரோக்யத்தில் எச்சரிக்கை தேவை. உடலில் நோய் எதிர்ப்பு சக்தி குறைந்து காணப்படும். வழக்குகள் சாதகமாக இராது. எதிரிகள் விஷயத்தில் அதிக எச்சரிக்கை தேவை. பங்குச்சந்தையில் அதிக எச்சரிக்கையுடன் செயல்படுதல் வேண்டும். காதல் விஷயங்கள் சற்று சுமாராக இருந்து வரும். இதுவரை நடைபெறாமல் தள்ளிப்போன திருமணம் போன்ற சுபகாரியங்கள் இனிதே நடந்தேறும். கணவன் மனைவி உறவு சுமாராகவே இருந்து வரும். ஏற்றுமதி இறக்குமதி சுமாராகவே இருக்கும். நண்பர்களால் நன்மையும் அவர்களால் மகிழ்ச்சியும் கிட்டும்.