மும்பை கோர்டில் சஞ்சய் தத் சரணடைந்தார் !

மும்பை தொடர் குண்டு வெடிப்பு வழக்கில் ஐந்து ஆண்டுகள் சிறைத்தண்டனை விதிக்கப்பட்ட இந்தி நடிகர் சஞ்சய் தத் மும்பை நீதி மன்றத்தில் நேற்று சரணடைந்தார். சரணடைந்த போது, அவருக்கு நெஞ்சு வலி, தலை வலி ஏற்பட்டது. இதற்காக மருந்து உட்கொள்ள அனுமதிக்கும்படி நீதிமன்றத்தை சஞ்சய் தத் கேட்டு கொண்டார். இதற்கு சிறப்பு நீதிபதி அனுமதி அளித்தார். சஞ்சய் தத் சிறையில் அடைக்கப்பட்ட பிறகு வீட்டு உணவை சாப்பிட அனுமதிக்க வேண்டும். பாய், போர்வைகள் மருந்துகள் மற்றும் எலக்ட்ரானிக் சிகரெட் வைத்து கொள்ளவும், குடும்பத்தினரையும் வழக்கறிஞர்களையும் சந்திக்க அனுமதிக்க வேண்டும் என்பது உள்ளிட்ட பல்வேறு கோரிக்கைகளை அவருடைய வழக்குரைஞர் விடுத்தார். இதற்கு சிபிஐ எதிர்ப்பு தெரிவித்ததை அடுத்து ஒரு மாதத்திற்கு மட்டும் வீட்டில் இருந்து கொண்டு வரப்படும் உணவை சாப்பிட சஞ்சய் தத்துக்கு நீதிபதி அனுமதி வழங்கினார். மேலும் எலக்ட்ரானிக் சிகரெட் உள்ளிட்ட மற்ற அனைத்து கோரிக்கைகளையும் நிராகரித்து விட்டார். சஞ்சய் 
தத் சரணடைந்த பிறகு முதலில் ஆர்தர் ரோடு சிறைக்கு அழைத்துச் செல்லப்பட்டார். அங்கு அவருக்கு மருத்துவ பரிசோதனை நடந்தது. பின்னர் புனேயில் உள்ள எரவாடா சிறைக்கு கொண்டு செல்லப்பட்டார்.