இயக்குனர் ரஞ்சித் இயக்கத்தில் ரஜினி நடிக்கவிருக்கும் கபாலி படத்தின் படபிடிப்புகள் அடுத்த மாதம் 18 ஆம் தேதி தொடங்கவிருக்கிறது. இந்தப்படத்தின் படப்பிடிப்பு முடிய எப்படியும் மூன்று அல்லது நான்கு மாதங்கள் ஆகலாம் என்று சொல்லப்படுகிறது.
இந்த படத்தை தொடர்ந்து ரஜினிகாந்த் ஷங்கர் இயக்கத்தில் நடிக்கப்போகிறாராம். தற்போது ஷங்கர் இயக்கும் படத்துக்கான திரைக்கதை இறுதிவடிவத்தை உருவாக்கும் வேலைகள் நடந்துகொண்டிருப்பதாகச் சொல்லப்படுகிறது. இதற்காக இயக்குநர் ஷங்கர், அவருடைய முக்கியமான உதவியாளர்கள் சிலர் மற்றும் எழுத்தாளர் ஜெயமோகன் ஆகியோர் மகாபலிபுரத்திலுள்ள நட்சத்திரவிடுதியொன்றில், கடந்த சில நாட்களாக தீவிர கலந்துரையாடலில் ஈடுபட்டிருப்பதாகச் சொல்லப்படுகிறது.
இன்னும் ஒரு வாரம் அல்லது பத்துநாட்கள் வரை நீடிக்கவிருக்கும் அந்தக் கலந்துரையாடலின் முடிவில் திரைக்கதை இறுதிவடிவம் பெற்றுவிடும் என்று சொல்கிறார்கள். ரஞ்சித் படம் முடிந்து ரஜினி வரும்போது ஷங்கர் குழு பக்காவாகத் தயாராகிவிடும் என்கிறார்கள் கோடம்பாக்கத்தினர்.
|