தற்போது சிம்பு கவுதம் மேனன் இயக்கத்தில் உருவாகி வரும் அச்சம் என்பது மடமையடா, செல்வராகவனின் இயக்கத்தில் கான் என இரண்டு படங்களில் நடித்து வருகிறார். இதனை தொடர்ந்து, சிம்பு அடுத்ததாக பருத்திவீரன் இயக்குனர் அமீர் இயக்கத்தில் நடிக்க உள்ளாராம்.
சிம்பு நடிப்பில் கடைசியாக வெளிவந்த படம் ஒஸ்தி. இந்த படத்தை தொடர்ந்து, அவர் நடித்து வந்த வாலு, இது நம்ம ஆளு ஆகிய படங்கள் இன்னும் வெளியாகவில்லை. இதில் வாலு படத்திற்கு நான்கு முறை ரிலீஸ் தேதி மாற்றி அமைக்கப்பட்டும் இன்னும் உறுதியான தேதி தெரியவில்லை.
சிம்பு - அமீர் இணையும் இந்த படம் முழுக்க முழுக்க ஆக்சன் படமாக அமையும் என சொல்லப்படுகிறது. அனேகமாக இந்த படத்திற்கு அனிருத் தான் இசை அமைப்பார் எனத் தெரிகிறது. இந்த படத்தில் சிம்புவுக்கு ஜோடியாக நடிக்க வைக்க முன்னணி நடிகை ஒருவருடன் பேச்சுவார்த்தை நடைபெற்று வருகிறதாம்.
|