சிந்தனை செய் மனமே !

நான்

புத்தனை  நினைத்தாலும்

சித்த வேதம் படித்தாலும்  

நித்தம் என் உள்ளம்

சித்தமும் கலங்குதடா !

என்

தூக்கம் கெட்டு

துக்கம் சூழ இரவில்

வாட்டும் சிந்தனைகள்

வந்து வந்து போகுதடா !

நான்

நிம்மதி கிடைக்கும்  

சத்தியத்தை நினைத்து

தினம் கடைபிடித்தாலும்

துன்பம் வந்து சூழுதடா!

நான்

அல்லலை நீக்க

அறிவோடு போராடியும்

தெளிவு பிறக்காமல்

உள்ளம் கலங்குதடா !

நான்

சினம் கூடாது

நினைத்து நின்றாலும்

வாழ்வில்

சினம் வந்து

குழப்பம் உண்டாகுதடா !

கதிரவன் உதிக்க மறந்தாலும்

கடவுளை மறக்காமல்

வழிபட்டு வந்தாலும்

துன்பம் வந்து மிரட்டுதடா !

பெற்ற தாயை

பிள்ளை மறந்தாலும்

உற்ற துணை நீயென்று

துதித்து நின்றாலும்

துயரம் விலக மறுக்குதடா! 

எளிமையில் வாழ்ந்து

தனிமையில் இருந்து

சிந்தித்துப் பார்த்தாலும்

சித்தமும் கலங்குதடா !

குருவைத் தேடித்தேடி

மனம்

உருக்குலைந்து

நின்ற வேளையில்

வள்ளலாரைக் கண்டு

வணங்கி மகிழ்ந்ததடா!

பூ.சுப்ரமணியன்,

பள்ளிக்கரணை, சென்னை