நானும் ரெளடிதான் படத்தின் வெற்றியைத் தொடர்ந்து, இயக்குனர் விக்னேஷ் சிவன் தனது அடுத்த படத்திற்கான வேலையை ஆரம்பித்துவிட்டாராம்.
இந்த படத்தில் ஹீரோவாக சிவகார்த்திகேயன் நடிக்க இருப்பதாக கூறப்படுகிறது. இதில் சிவகார்த்திகேயனுக்கு ஜோடியாக திரிஷா, நயன்தாரா நடிக்க இருப்பதாக தகவல் வெளியாகியுள்ளது. தமிழ் சினிமாவின் முன்னணி நடிகைகளான நயன்தாரா, திரிஷா ஒரு கட்டத்தில் போட்டியாளர்களாக இருந்தனர். பின்னர் நாளடைவில் இருவரும் நெருங்கிய தோழிகளாகிவிட்டனர்.
தற்போது இவர்கள் இருவரையும் சேர்த்து நடிக்க வைக்க முடிவு செய்திருக்கிறாராம் விக்னேஷ் சிவன். இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
இந்த நால்வர் கூட்டணி இணையுமானால்... படத்திற்கு ரசிகர்களுக்கிடையே பலத்த எதிர்பார்ப்பு உருவாகும் என்றால் அது மிகையாகாது.
|