LOGO
  முதல் பக்கம்    செய்திகள்    தமிழ்நாடு-Tamil Nadu Print Friendly and PDF

30 கிராம் எடையில் மிகச்சிறிய செயற்கைக்கோள்: அரசு பள்ளி மாணவர்கள் சாதனை!

கரூர் அருகே வெள்ளியணை அரசு பள்ளி மாணவர்கள் 30 கிராம் எடையில் செயற்கைக்கோள் தயாரித்து அசத்தினர். இந்த செயற்கைக் கோள், 11-ந்தேதி விண்ணில் செலுத்தப்படுகிறது.

விண்வெளித்துறையில் ஆய்வுகளை மேற்கொள்ள அரசு மற்றும் அரசு உதவி பெறும் பள்ளி மாணவர்களுக்கு ஆர்வத்தை தூண்டும் வகையில் ‘விக்ரம் சாராபாய் விண்வெளி சவால்‘ என்ற போட்டியை ‘ஸ்பேஸ் கிட்ஸ் இந்தியா’ என்ற அமைப்பு அறிவித்து இருந்தது.

அதன்படி போட்டியில் கலந்துகொள்ளும் மாணவர்கள் விண்ணில் செலுத்தக்கூடிய வகையில் 30 கிராம் எடையில் சிறிய வகை செயற்கைக்கோளைது தயாரிக்க வேண்டும். அதற்கு தேவையான உபகரணமான வெப்பத்தை தாங்க கூடியதும், எடை குறைவானதும், கீழே விழுந்தால் உடையாத தன்மை உடைய கார்பன் மற்றும் பைபரும் கலந்து செய்யப்பட்ட 3.5 சென்டி மீட்டர் அளவு கொண்ட முப்பரிமாண கலன்களை அந்த நிறுவனமே வழங்கியது.


இந்த போட்டியில் தமிழகத்தின் பல்வேறு பகுதிகளிலிருந்து அரசு பள்ளி மாணவர்கள் பலர் கலந்து கொண்டனர். அந்த வகையில் இந்த போட்டியில் கலந்து கொண்ட கரூர் மாவட்டம் வெள்ளியணை அரசு ஆண்கள் மேல்நிலைப்பள்ளியில் 9-ம் வகுப்பில் படிக்கும் மாணவர் நவீன்குமார் தலைமையில் மாணவர்கள் சுகந்த், பசுபதி, விஷ்ணு, ஜெகன் ஆகியோர் தங்களின் அறிவியல் ஆசிரியர் தனபால் வழிகாட்டுதலுடன் 30 கிராம் எடையில் சிறிய வகை செயற்கைக்கோளை தயாரித்தனர்.


இந்த செயற்கைக்கோளின் செயல்பாடுகள் அதன் நோக்கம், இதன் மூலம் மேற்கொள்ளப்படும் ஆய்வுகள் குறித்த பதிவுகள் அடங்கிய வீடியோவை ‘ஸ்பேஸ் கிட்ஸ் இந்தியா’ அமைப்பிற்கு அனுப்பி வைத்தனர்.


அந்த அமைப்பின் சார்பில் தமிழக அளவில் தேர்தெடுக்கப்பட்ட 12 பள்ளிகளின் செயற்கைக்கோள்களில் வெள்ளியணை அரசு பள்ளி மாணவர்களின் செயற்கைக்கோளும் ஒன்றாகும். 


வருகிற 11-ந்தேதி, இந்திய விண்வெளி ஆராய்ச்சியின் தந்தை என போற்றப்படும் விக்ரம் சாராபாயின் 100-வது பிறந்த நாளில் இந்த செயற்கைக்கோள் விண்ணில் செலுத்தப்படுகிறது.


இதற்காக மாணவர்கள் 5 பேரும் தங்களின் வழிகாட்டியான ஆசிரியர் தனபாலுடன் காஞ்சீபுரம் மாவட்டம் சிறுசேரியிலுள்ள ‘ஸ்பேஸ் கிட்ஸ் இந்தியா’ அமைப்பின் வளாகத்திற்கு செல்கின்றனர். அங்கு சந்திரயான் முன்னாள் திட்ட இயக்குனர் மயில்சாமி அண்ணாதுரை முன்னிலையில் இந்த செயற்கைக்கோள் ஹீலியம் வாயு நிரப்பப்பட்ட ராட்சத பலூனில் இணைத்து விண்ணில் அனுப்பப்படும்.


விண்வெளியில் குறிப்பிட்ட உயரம் சென்றவுடன் பலூன் வெடித்து செயற்கைக்கோள் தனியாக பிரிந்து வானிலை நிலைமை குறித்த தகவல்களை சேகரித்துக்கொண்டு பாராசூட் அமைப்பின் உதவியால் பூமிக்கு வரும். அப்போது அது அனுப்பும் படங்கள், சமிக்ஞைகளை தரையிலுள்ள கட்டுப்பாட்டு அறையிலிருந்து பெறுவது குறித்து இம்மாணவர்கள் பயிற்சி பெறுகின்றனர்.


இதுகுறித்து, செயற்கைக்கோளைத் தயாரித்த மாணவர் குழுவின் தலைவர் நவீன்குமார் நிருபர்களிடம் கூறியதாவது:
 ‘இன்றைய காலக்கட்டத்தில் கடுமையான தண்ணீர் பற்றாக்குறை நிலவுகிறது. நிலத்தடி நீர் குறைந்துபோனதே இதற்கு காரணம். நிலத்தடி நீரை அதலபாதாளம் வரை சென்று உறிஞ்சி நீர் பற்றாக்குறையை ஏற்படுத்தும் சீமைக்கருவேல மரங்கள் முக்கிய காரணமாகின்றன. எனவே சீமைக்கருவேல மரங்களை முற்றிலும் அழிக்கும் விதமாக அதன் வேர், தண்டு, பட்டை, இலை, பூ, காய், விதை ஆகியவற்றை சாறாக பிழிந்து பின் உலர வைத்து படிகமாக்கி அதை இந்த செயற்கைகோளில் வைத்து அனுப்ப முடிவு செய்தோம். 


விண்வெளிக்குச் சென்று பின் கீழேவரும்போது வளிமண்டல அழுத்தம், சூரிய கதிர்வீச்சின் தாக்கம், ஈரப்பதம் உள்ளிட்டவை இந்த படிகத்தில் உண்டாக்கும் விளைவுகளினால் அதன் ஜீன்கள், டி.என்.ஏ.வில் ஏற்படும் மாறுபாடுகளை கண்டறிந்து அதன்மூலம் சீமைக்கருவேல மரங்களை முற்றிலும் அழிப்பதற்கான வழிவகைகளை கண்டறிய உள்ளோம்.'இவ்வாறு அவர் கூறினார்.

by Mani Bharathi   on 07 Aug 2019  1 Comments
 தொடர்புடையவை-Related Articles
மதுரையில் முதலாவது உலகத்  தமிழிசை மாநாடு! மதுரையில் முதலாவது உலகத் தமிழிசை மாநாடு!
செய்திச்சுருக்கம் (செப்டம்பர் மாதம், 2019) செய்திச்சுருக்கம் (செப்டம்பர் மாதம், 2019)
வரலாற்றைத் திரும்(ப் )பிப் பார்க்க வைத்த கீழடி வரலாற்றைத் திரும்(ப் )பிப் பார்க்க வைத்த கீழடி
கீச்சுச் சாளரம் தொகுப்பு: நீச்சல்காரன் கீச்சுச் சாளரம் தொகுப்பு: நீச்சல்காரன்
சிரிப்பு வலை  -நீச்சல்காரன் சிரிப்பு வலை -நீச்சல்காரன்
மூன்றாவது  தமிழ் தொழிலதிபர்கள், திறனாளர்கள் மாநாடு வரும் நவம்பர் 14,15,16 தேதிகளில் சென்னையில் நடைபெறவுள்ளது. மூன்றாவது தமிழ் தொழிலதிபர்கள், திறனாளர்கள் மாநாடு வரும் நவம்பர் 14,15,16 தேதிகளில் சென்னையில் நடைபெறவுள்ளது.
செய்திச்சுருக்கம் (ஆகஸ்ட் மாதம், 2019)  -தொகுப்பு: இளவழுதி வீரராசு செய்திச்சுருக்கம் (ஆகஸ்ட் மாதம், 2019) -தொகுப்பு: இளவழுதி வீரராசு
தமிழகத்தில் முக்கியத்துவம் பெற்றுவரும் நீர்நிலைகளை தூர்வாரி பாதுகாத்தல் மற்றும் மரம் நடுதல் பணிகள் தமிழகத்தில் முக்கியத்துவம் பெற்றுவரும் நீர்நிலைகளை தூர்வாரி பாதுகாத்தல் மற்றும் மரம் நடுதல் பணிகள்
கருத்துகள்
08-Aug-2019 04:39:04 ம செ நாதன் said : Report Abuse
அருமை, அருமை.... எப்பொழுது இந்த வேலிகாத்தான் என்ற சீமைக்கருவை ஒழிக்கப்படுகிறதோ அன்று தான் தமிழ் நாடு விமோசனம் பெரும். நன்றி இளையதலைமுறையே உங்கள் பணி சிறக்க வாழ்த்துக்கள் .:)
 
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.