லண்டன் : இங்கிலாந்து அணியுடன் மோதிய கடைசி ஒருநாள் போட்டியில் 7 விக்கெட் வித்தியாசத்தில் வென்ற தென் ஆப்ரிக்க அணி 2-2 என்ற கணக்கில் தொடரை சமன் செய்தது. நாட்டிங்காம், டிரென்ட் பிரிட்ஜ் மைதானத்தில் நடந்த 5-வது ஒருநாள் போட்டியில், டாஸ் வென்று முதலில் பேட் செய்த இங்கிலாந்து அணி 45.2 ஓவரில் 182 ரன்னுக்கு ஆல் அவுட் ஆனது. அடுத்து களமிறங்கிய தென் ஆப்ரிக்கா 34.3 ஓவரில் 3 விக்கெட் இழப்புக்கு 186 ரன் எடுத்து அபாரமாக வென்றது. ஸ்மித் 1, டுபிளெஸ்சிஸ் 3, எல்கர் 1 ரன்னில் ஆட்டமிழந்தனர். அம்லா , கேப்டன் டிவில்லியர்ஸ் ஜோடி 4வது விக்கெட்டுக்கு 172 ரன் சேர்த்து வெற்றிக் கனியை எட்டியது. மொத்தம் 5 போட்டிகள் கொண்ட தொடர் 2-2 என்ற கணக்கில் (ஒரு போட்டி மழையால் ரத்து) சமனில் முடிந்தது. ஆட்ட நாயகன் மற்றும் தொடர் நாயகன் விருதை தென் ஆப்ரிக்க வீரர் அம்லா தட்டிச் சென்றார். அடுத்து இரு அணிகளும் 3 போட்டிகள் கொண்ட டி20 தொடரில் மோதுகின்றன.
|