தேமுதிக கட்சியின் தலைவரும், நடிகருமான விஜயகாந்தின் மகன் சண்முக பாண்டியனின் அறிமுகப்படம் சகாப்தம்.
கடந்த வாரம் சகாப்தம் பட பூஜையை சாலிகிராமத்தில் உள்ள தனது வீட்டில் விமரிசையாக நடத்தினார் விஜயகாந்த். இந்த விழாவில் பேசிய விஜயகாந்த், சகாப்தம் படத்தில் சண்முகபாண்டியனுக்கு ஜோடியாக இரண்டு ஹீரோயினிகள் நடிப்பதாக தெரிவித்தார். ஆனால், யார் யார் நடிக்கிறார்கள் என்கிற விவரத்தை அவர் தெரிவிக்கவில்லை. அதையடுத்து இப்போது சண்முகபாண்டியனுக்கு ஜோடியாக ஸ்ரீதேவியின் மூத்த மகளை நடிக்க வைப்பதற்கு பேச்சுவார்த்தை நடத்தப்பட்டு வருவதாக தமிழ் திரையுலகில் தீயாய் செய்தி பரவிக்கிடக்கிறது. ஆனால், இதுபற்றி சகாப்தம் டீமை விசாரித்தால், அதற்கான பேச்சுவார்த்தைகள் நடத்தப்பட்டு வருகிறது. ஆனால் அதுபற்றி இன்னும் முடிவாகவில்லை. விரைவில் கதாநாயகியாக நடிப்பவர்கள் மட்டுமின்றி மற்ற கலைஞர்கள் பற்றிய விவரங்கள் முழுமையாக வெளியிடப்படும் என்கிறார்கள்.
|