|
|||||
மேடை நாடகங்களில் நடிக்க ஆசைபடும் சூப்பர் ஸ்டார் !! |
|||||
நாடகத்துறையில் இருந்து சினிமாவுக்குள் வந்தவர்களுள் ஒய்.ஜி.மகேந்திரன் குறிப்பிடத்தக்கவர். இவர், சிவாஜி, ரஜினி, கமல், என முன்னணி ஹீரோக்களுடன் காமெடியனாக நடித்து தமிழ் திரையுலகை ஒரு கலக்கு கலக்கியவர். இவர் தற்போது, திரைப்படங்களின் முன்னோடியான மேடை நாடகங்களை இயக்கி, நடித்து வருக்கிறார். இவரது நாடகங்களுக்கு இன்று வரை நல்ல வரவேற்பு இருந்து வருகிறது. தற்போது, அவர் சிவாஜியும், தானும் நடித்து, வெற்றி பெற்ற பரீட்சைக்கு நேரமாச்சு என்ற படத்தை நாடகமாக இயக்கி நடிக்க இருக்கிறார். இதுபற்றி அவர் கூறியதாவது: கடந்த 1978ம் ஆண்டு என் தந்தை ஒய்.ஜி.பார்த்தசாரதி பரீட்சைக்கு நேரமாச்சு நாடகத்தை எழுதி இயக்கினார். அதில் நான் மகனாக நடித்தேன். அதன் பிறகு சிவாஜி தந்தையாகவும், நான் மகனாகவும் நடித்து சினிமாவாக வந்தது. இப்போது அந்த நாடகத்தை இந்த காலத்துக்கேற்ப சில மாறுதல்களுடன் நாடகமாக நடத்த இருக்கிறேன். வருகிற 14ந் தேதி முதல் 18ந் தேதி வரை வாணி மகாலிலும், 19ந் தேதி முதல் 21ந் தேதி வரை மயிலாப்பூர் பைன் ஆர்ட்ஸ் கிளப்பிலும் நடக்கிறது. இந்த நாடகத்தில், திரை பிரபலங்கள் பலர் நடிக்க இருக்கிறார்கள். அது அவர்கள் திறமையை வளர்த்துக் கொள்ள உதவும். தமிழ்நாட்டிலும் ஹீரோக்கள் நாடகத்தில் நடிக்க வந்தால் அவர்கள் திறமையும் வளரும், நாடகமும் வளரும். பல மாதங்களுக்கு முன்பு ரஜினியை சந்தித்தபோது நாடகத்தில் நடிக்க ஆசை இருப்பதாக கூறினார். இப்போது அவருக்காக ஒரு நாடக கதை தயார் செய்திருக்கிறேன். லிங்கா படப்பிடிப்பு முடிந்ததும் அதை அவருக்கு சொல்வேன். அவருக்கு பிடித்திருந்தால் நடிப்பார் என்கிறார் ஒய்.ஜி.மகேந்திரன். |
|||||
by Swathi on 13 Sep 2014 0 Comments | |||||
Tags: ஒய்.ஜி.மகேந்திரன் நாடகம் Super Star Rajinikanth Rajinikanth YG Mahendran Rajinikanth Dramas | |||||
கருத்துகள் | |
|
உங்கள் கருத்துகள் பதிவு செய்ய | ||
|