காமெடி நடிகராக தமிழ் திரையுலகில் வலம் வந்த பிரேம்ஜி அமரன். தற்போது, மாங்கா, டக்கர் என்ற படங்களில் ஹீரோவாக நடித்து வருகிறாராம்.
மதில்மேல் பூனை படத்தை இயக்கிய பரணி ஜெயபால் தான் பிரேம்ஜி நடிக்கும் டக்கர் படத்தை இயக்குகிறாராம். இந்த படத்தின் இன்னொரு ஸ்பெஷல் என்ன வென்றால், இப்படத்திற்கு பிரேம்ஜி அமரனே இசையமைக்கிறார்.
இப்படத்தில் பிரேம்ஜி, கார் பந்தயத்தில் கலந்துகொண்டு அதிகவேகமாக கார் ஓட்டும் வீரராக நடிக்கிறாராம். விஞ்ஞான ஆராய்ச்சியுடன், காமெடி, ஆக்ஷன், திரில் என பல பரிமாணங்களில் வளர்ந்து வரும் இப்படத்தில் பிரேம்ஜிக்கு ஜோடியாக மீனாட்சி தீட்சித் -அருந்ததி என இரண்டு கதாநாயகிகள் நடிக்கின்றனர். மேலும் வி.டி.வி.கணேஷ், யோகி ஜெ.பி., ஜான் விஜய், ஜெயபிரகாஷ், தேவதர்ஷினி ஆகியோரும் நடிக்கின்றனர். இவர்களுடன் பாண்டியநாடு படத்தில் வில்லன் வேடத்தில் நடித்த சரத் ஒரு முக்கிய கதாபாத்திரத்தில் நடிக்கிறார்.
|