சமூக ஊடகங்களில் வரலாக பரவிவரும் கவிஞர் .அறிவுமதி எழுதி உத்ரா உன்னிகிருஷ்ணன் பாடியுள்ள தமிழ் பிறந்தநாள் பாடல் ..

முகநூல், இணையம், வானொலி, தொலைக்காட்சிகளில் மிகப்பெரிய வரவேற்பைப் பெற்றுள்ளது வட அமெரிக்கத் தமிழ்ச்சங்கத்தில் வெளியிடப்பட்ட கவிஞர் அறிவுமதியின் தமிழ் பிறந்த நாள் பாடல். ஒரு முகநூல் பக்கத்தில் இரண்டு நாளில் 2 லட்சத்தைத் தொடும் பார்வையாளர்கள்..இதுபோல் பல முகநூல் பக்கங்களில் சென்றுகொண்டுள்ளது. சமூக வலைத்தளங்களில் வரலாக பரவிவருவதும் மக்களின் ஆதரவைக் கண்டு தொலைக்காட்சி ஊடங்கங்கள் தங்கள் பிறந்தநாள் பகுதியில் இந்தப் பாடலை ஒளிபரப்ப ஆரம்பித்துள்ளார்கள் .. சில திரைப்பட இயக்குநர்கள் தங்கள் படங்களில் பிறந்தநாள் காட்சி ஒன்றை வைத்து இந்தப் பாடலை மக்களிடம் பழக்கத்திற்கு கொண்டு செல்வதாக அறிவித்துள்ளார்கள் ... மேலும், உலகம் முழுதும் பல்வேறு தமிழ்ச்சங்கங்கள், மற்றும் தமிழ்ப்பள்ளிகள் தங்கள் அமைப்புகளின் பிறந்தநாள் நிகழ்ச்சியில் இந்தப்பாடலைப் பயன்படுத்துவதற்கு முன்வந்துள்ளார்கள் ..

ஆஸ்திரேலியா, கனடா , அமெரிக்கா , சிங்கப்பூர், மலேசியா என பல நாடுகளின் தமிழ்ச்சங்கங்கள், தமிழ் அமைப்புகள் , தமிழ்ப்பள்ளிகள் தொடர்புகொண்டு பாடலை வெளியிட ஏற்பாடு செய்து வருகிறார்கள் .. வரும் சூலை 9, வாசிங்க்டன் வட்டாரத் தமிழ்ச்சங்கத்தில் நடைபெறும் முத்தமிழ் விழாவில் இந்தப்பாடல் வெளியிடப்படுகிறது ... இதற்காக ஒரு கேக் வாங்கி, அந்த நாளில் அல்லது அந்த மாதத்தில் பிறந்தநாள் காணும் மக்கள் அனைவரின் பெயரையும் அறிவித்து, அவர்களை மேடைக்கு அழைத்து மக்கள் பயன்படுத்தும் வகையில் குழுவாக இந்தப்பாடலைப் பாடி வெளியிடுகிறார்கள் .. இதுபோல், அமெரிக்காவின் பல்வேறு தமிழ்ச்சங்கங்கள் அடுத்து வரும் அவர்களது நிகழ்ச்சியில் இந்தப்பாடலை வெளியிடத் திட்டமிடுகிறார்கள்...நீங்கள் வசிக்கும் நாடுகளில் வெளியிட்டு , அல்லது வீட்டில் பாடி உங்கள் முகநூலில் பகிருங்கள் ..  இந்தத் தமிழ்ப்பாடல் மக்களின் பாடலாகி அவர்களின் பிறந்தநாளை மகிழ்ச்சிப்படுத்தட்ட்டும் ..

வலைத்தமிழ் குழுவினர் இதுகுறித்து கூறும்போது, உங்கள் அமைப்புகளில் , வீடுகளில் பிறந்தநாள் கொண்டாட்டத்தின்பொது இந்தப்பாடலைப் பாடி காணொளியை யூடிபில் பகிருமாறு கேட்டுக்கொள்ளப்பட்டுள்ளார்கள் அல்லது valaitamil@yahoo.com மின்னஞ்சலுக்குச் சுட்டியை அனுப்புமாறு கேட்டுக்கொள்ளப்படுகிறார்கள் .. தொடர்ந்து பல்வேறு நாடுகளில் பாடும் பாடல்களை இணைத்து காணொளிக்கலவை வெளியிடப்படும் என்று அறிவித்துள்ளார்கள் ....