பரதேசி படத்திற்குப் பிறகு பாலா இயக்கும் அடுத்த படம் தாரை தப்பட்டை. இப்படத்தில் சசிகுமார் நாதஸ்வர வித்வானாக நடிக்கிறார். வரலட்சுமி கரகாட்டக் கலைஞராக நடிக்கிறார். தாரை தப்பட்டை' படத்துக்கு இளையராஜா இசையமைக்கிறார். இது இளையராஜாவுக்கு 1000வது படம் என்பது குறிப்பிடத்தக்கது.
தாரை தப்பட்டை பட அறிவிப்பு வெளியாகி பல நாட்கள் ஆகியும், படத்தின் படப்பிடிப்பு மட்டும் காலதாமதமாகிக் கொண்டே இருந்தது. இதுகுறித்து விசாரித்தபோது, சசிகுமார், வரலட்சுமி இருவரும், தங்களது கதாபாத்திரத்தை உள்வாங்கி பயிற்சி எடுக்கவே இவ்வளவு நாள் தாமதமானதாக சொல்லப்படுகிறது.
கடந்த சில தினங்களுக்கு முன்பு, தாரை தப்பட்டை படத்தின் படப்பிடிப்பு தஞ்சாவூரில் தொடங்கியது.
‘தாரை தப்பட்டை’ படத்தின் பயணம் ஆரம்பமானது. லெஜண்ட் இயக்குநர் பாலா சாருடன் வேலை செய்ய ஆர்வமாக இருக்கிறது என வரலட்சுமி தனது ட்விட்டர் பக்கத்தில் தெரிவித்துள்ளார்.
|