LOGO
  முதல் பக்கம்    செய்திகள்    உலகம்-World Print Friendly and PDF

அமெரிக்காவின் சிகாகோ நகரில் 10-வது உலகத் தமிழ் மாநாடு இன்று தொடங்கி 7-ந் தேதி வரை நடக்கிறது

அமெரிக்காவில் உள்ள சிகாகோ நகரில், 10-வது உலகத் தமிழ் மாநாடு, இன்று  (ஜூலை 4-ந்தேதி) தொடங்கி வரும் 7-ந்தேதி வரை நடைபெற உள்ளது.உலகத் தமிழ் மாநாடு என்பது உலகம் முழுவதிலும் உள்ள அனைத்து தமிழா்களையும் ஒன்று சோ்ப்பதற்காக நடைபெறும் ஒரு முக்கிய நிகழ்வாகும்.


தமிழ் மற்றும் தமிழாின் பெருமையை உலகில் உள்ள அனைவரும் அறியச் செய்வதே இந்த மாநாட்டின் நோக்கம் ஆகும். இதுவரை 9 உலகத்தமிழ் மாநாடுகள் உலகின் பல்வேறு பகுதிகளில் நடந்துள்ளன.

1966- ம் ஆண்டு, முதல் உலகத் தமிழ் மாநாடு மலேசியாவிலும், 2-ம் உலகத் தமிழ் மாநாடு 1968-ம் ஆண்டு  சென்னையிலும், 3-ம் உலகத்தமிழ் மாநாடு 1970- ம் ஆண்டு பாரீசிலும், 4-ம் உலகத்தமிழ் மாநாடு 1974 -ம் ஆண்டு  இலங்கையிலும், 5- ம் உலகத் தமிழ் மாநாடு 1981 - ம் ஆண்டு மதுரையிலும்,  6-ம் உலகத்தமிழ் மாநாடு 1987-ம் ஆண்டு மலேசியாவிலும், 7-ம் உலகத் தமிழ் மாநாடு 1989-ம் ஆண்டு மொரீசியசிலும், 8-ம் உலகத் தமிழ் மாநாடு  1995- ம் ஆண்டு தஞ்சாவூரிலும், 9-ம் உலகத் தமிழ் மாநாடு 2015-ம் ஆண்டு மலேசியாவிலும் நடந்துள்ளது.

இவை தவிர, உலகத் தமிழ் செம்மொழி மாநாடு, 2010-ம் ஆண்டு கோவையில் நடந்து உள்ளது.

அனைத்துலகத் தமிழ் ஆய்வு மன்றம், வட அமெரிக்கத் தமிழ்ச்சங்கப் பேரவை மற்றும் சிகாகோ தமிழ்ச்சங்கம் இணைந்து 10-வது உலகத்தமிழ் மாநாட்டை சிகாகோவில் நடத்த முடிவெடுத்தது.

இந்த 10- வது உலகத் தமிழ் மாநாட்டில் கலந்து கொள்வதற்கு இந்திய ஜனாதிபதி மற்றும் தமிழக முதல்வருக்கு அழைப்பு விடுக்கப் பட்டது. இருவருமே கலந்து கொள்ள முடியாததால் தமிழ் வளர்ச்சித் துறை அமைச்சர் மாபா பாண்டியராஜன் கலந்துகொள்கிறார். 

தமிழக அரசின் சார்பில் 20 தமிழறிஞர்கள் அழைத்து செல்லப்படுகிறார்கள். இந்த மாநாடு சிறப்பாக நடைபெறுவதற்கு, தமிழக அரசு தேவையான உதவிகள் அனைத்தையும் செய்யும் என்று முதல்-அமைச்சர் எடப்பாடி பழனிச்சாமி தெரிவித்து உள்ளார். 

உலகம் முழுவதிலும் இருந்து சுமார் 6 ஆயிரம் பேர் வரை கலந்து கொள்வார்கள் என்று எதிர்பார்க்கப்படுகிறது. பிரான்ஸ், ஆஸ்திரேலியா, கனடா, நெதர்லாந்து, ஜப்பான், பிலிப்பைன்ஸ், இந்தோனேசியா, இலங்கை, இங்கிலாந்து, மொரிசியஸ், சிங்கப்பூர், மலேசியா... போன்ற பல நாடுகளிலும் இருந்து ஏராளமான தமிழ் அறிஞர்கள் இம் மாநாட்டில் கலந்துகொள்வார்கள் என எதிர்பார்க்கப்படுகிறது. 

இதுவரை 2 ஆயிரம் ஆய்வுக் கட்டுரைகள் மாநாட்டிற்கு அனுப்பப்பட்டு உள்ளன.  இதில் இருந்து 80 கட்டுரைகள் தேர்வாகி இருப்பதோடு, அவை மாநாட்டில் வாசிக்கப்படுவதோடு, புத்தகமாகவும் உருவாக இருக்கிறது.

உலகில் 6 ஆயிரம் மொழிகள் இருந்தாலும் அவற்றில் கிரேக்கம், லத்தீன், எபிரேபியம், சீனம், சமஸ்கிருதம், தமிழ் ஆகியவையே செம்மொழி என்னும் தகுதி பெறும் மொழிகளாகத் திகழ்கின்றன. 

குறைந்தபட்சம் 2 ஆயிரம் ஆண்டு கால பாரம்பரியம் கொண்டு, இலக்கணம், இலக்கியம், கலை சொல்லும் நுட்பங்கள் ஆகியவை கொண்ட மொழி மேன்மொழி எனப்படுகிறது.  இந்த தகுதிகளோடு தற்போதும் கூட அழிந்து போகாமல் புழக்கத்தில் இருக்கும் தகுதி கொண்டதாக தமிழ் விளங்குகிறது.

நவீன மொழி ஆய்வுகள், தொல்லியல் ஆய்வுகள், சிற்பம், கட்டிடக் கலை, அறிவியல் சார்ந்த ஒப்பீடுகள் ஆகியவை குறித்து இந்த மாநாடுகளில் விவாதிக்கப்படும். அதுவும் சமீபத்தில் சிவகங்கை மாவட்டம் கீழடியில் நடைபெற்ற தொல்லியல் ஆய்வுகள், அதில் கிடைத்த 13,638 பழம் பொருட்கள், குறிப்பாக இவை, தமிழ் தொன்மையைப் பிரதிபலிப்பதால், மிக முக்கியமாக விவாதிக்கப்பட உள்ளது.

முக்கியமாக தொன்மை தமிழுக்கும், தமிழ் கலாசாரத்திற்கும் நவீன தமிழ் மற்றும் தமிழ் கலாசாரத்திற்குமான இணைப்புப் பாலமாக உலகத் தமிழ் மாநாடுகள் திகழ்கின்றன.
அமெரிக்காவில் தற்போது 2 லட்சத்து 50 ஆயிரம் தமிழர்கள் உள்ளனர். பலர் அங்கு மக்கள் பிரதிநிதிகளாகவும்  உள்ளனர்.

உலக அளவில் அறியப்பட்ட, கூகுள் தலைமை அதிகாரி சுந்தர் பிச்சை, பெப்சி நிறுவனத்தின் சி.இ.ஒ. இந்திரா நூயி, நோபல் பரிசு வென்ற வெங்கட்ராமன் ராமகிருஷ்ணன், பிரபல அறிவியல் மேதை ஸ்ரீநிவாச வரதன் போன்ற  பல தமிழர்கள் அமெரிக்காவில் புகழ்க் கொடி நாட்டி உள்ளனர்.

அமெரிக்காவில் நடக்கவிருக்கும் உலகத் தமிழ் மாநாடு குறித்து அதன் செய்தி தொடர்பாளரும், வாஷிங்டன் தமிழ் சங்கத்தின் முன்னாள் தலைவருமான பார்த்தசாரதி கூறியதாவது:  “அமெரிக்காவில் வாழும் தமிழர்கள் தங்களின் அடுத்தடுத்த தலைமுறைகளும் தமிழையும், தமிழ் கலாசாரத்தையும் அறிந்து கொள்ள வேண்டும் என்பதில் உறுதியாக உள்ளோம். 

இங்கே உள்ள 50 மாவட்டங்களில் 240 தமிழ் பள்ளிக்கூடங்களை நாங்கள் நடத்துகிறோம். அரசே, சுமார் 8 மாவட்டங்களில் தமிழ் மொழி ஆசிரியர்களை நியமித்து தமிழ் கற்பிக்க உதவுகிறது.

நாங்கள் ஒவ்வொருவரும் சாப்ட்வேர், மருத்துவம், பொறியியல், வியாபாரம் என பல துறைகளில் உள்ளோம். ஒவ்வொரு மாகாணத்திலும் தமிழ் சங்கங்கள் சிறப்பாக செயல்படுகின்றன. இவை அனைத்தும் இணைந்து தான் இந்த தமிழ் மாநாட்டை நடத்துகின்றன. நாங்கள் 500 பேர் சுமார் ஆறு மாதங்களாக இந்த உலகத் தமிழ் மாநாட்டை சிறப்பாக நடத்த திட்டமிட்டு கடுமையாக பாடுபட்டு வருகிறோம். இதன் மூலம் தமிழ் வளர்ச்சி ஒரு புறம் இருக்க, அத்துடன் தாயகத் தமிழர்கள் உடனான எங்கள் நெருக்கம் மறுபுறமாக வளர்த்தெடுக்க விரும்புகிறோம்.”இவ்வாறு அவர் கூறினார்.

தமிழகத்தில் இருந்து பேராசிரியர் சாலமன் பாப்பையா, சாகித்ய அகாடமி பரிசு பெற்றவரும் மதுரை நாடாளுமன்ற உறுப்பினருமான சு.வெங்கடேசன், சீர்காழி சிவசிதம்பரம், ஓவியர் மணியம் செல்வன், எழுத்தாளர்கள் ஸ்டாலின் குணசேகரன், கம்யூனிஸ்டு தலைவரும் எழுத்தாளருமான சி.மகேந்திரன், பட்டிமன்ற பேச்சாளர்கள் பாரதி பாஸ்கர், ராஜா, இசை அமைப்பாளர்கள் யுவன்சங்கர் ராஜா, ஜேம்ஸ் வசந்தன், ஆவணப்பட இயக்குனர் ஆர்.ஆர் சீனிவாசன், நாட்டுப்புற கலைஞர்கள் ராஜலட்சுமி, கன்னிக்ஸ் கன்னிகேஸ்வரன், விடியன் நாதஸ்வரம், கவிஞர் சல்மா, கல்வியாளர் பொன்னவைக்கோ, இயக்குனர் கரு.பழனியப்பன், மணி அருணாச்சலம், பாலச்சந்திரன் ஐ.ஏ.எஸ். உள்பட சுமார் 250 பேர் மாநாட்டில் பங்கேற்கின்றனர்.

சிகாகோவின் சாம்பர்க் கன்வர்ஷன் மையத்தில் இன்று (4-ந்தேதி) தொடங்கி 7-ந்தேதி வரை நடக்கிறது. இதில் மொரிஷியஸ் செயல் குடியரசுத் தலைவர் பரமசிவம் வையாபுரிபிள்ளை, ஐ.நா. மனித உரிமை ஆணையர் நவநீதம்பிள்ளை ஆகியோர் சிறப்பு விருந்தினர்களாக பங்கேற்கின்றனர்.


‘கீழடி நம் தாய்மடி’ என்ற தலைப்பில் சிறப்பு ஆய்வரங்கம் நடக்கிறது. குறள்தேனீ, தமிழ்தேனீ, சங்கங்களின் சங்கமம், குறும்படப் போட்டி, கங்கை கொண்ட சோழன் நாட்டிய நாடகம், இலக்கிய வினாடி வினா, கவியரங்கம், யுவன்சங்கர் ராஜா இசை நிகழ்ச்சி ஆகியவை இடம் பெறுகின்றன. 


சொற்குவை என்ற பெயரில் தமிழ் சொற்கள் அனைத்தையும் தொகுத்து, வரிசைப்படுத்தி இலக்கண வகைகளை பதிவு செய்து இணைய பயன்பாட்டுக்கு தர உள்ளனர்.
50- க்கும் மேற்பட்ட நாடுகளில் இருந்து ஆய்வாளர்கள், மாணவர்கள், கலைஞர்கள், எழுத்தாளர்கள், சிந்தனையாளர்கள், தொழிலதிபர்கள் கலந்து கொள்கிறார்கள். 32-க்கும் மேற்பட்ட இணையமர்வுகள், 160 மணி நேரத்திற்கும் மேற்பட்ட கலை, இலக்கிய நிகழ்வுகள் இம் மாநாட்டில் நடக்க உள்ளன. 


ஈழத் தமிழ் நாட்டியமும் மரபுகளும், தமிழ் இசை சிம்பனி, இயற்கையில் பிறந்த தமிழ் இசை பெரும் நாட்டிய நாடகம், நாட்டுப்புற இசை, தமிழ் பாரம்பரிய பெருவிருந்து ஆகியவை மாநாட்டின் சிறப்பு அம்சங்களாகும்!


சிகாகோ நகரில் திருவள்ளுவரின் சிலை நிறுவப்பட உள்ளது. இதற்கான செலவுகள் அனைத்தையும் தொழிலதிபர் வி.ஜி.சந்தோஷம் ஏற்று உள்ளார். 


ஜூலை 6 மற்றும் 7-ந்தேதிகளில் தமிழர்களின் வணிக பொருளாதாரம் தொடர்பான மாநாடும் நடக்கவிருக்கிறது. மொத்தத்தில் இந்த மாநாட்டிற்கான செலவு சுமார் ரூ.20 கோடியில் இருந்து ரூ.25 கோடி வரை ஆகலாம் என கூறப்படுகிறது

 

by Mani Bharathi   on 04 Jul 2019  0 Comments
 தொடர்புடையவை-Related Articles
சிகாகோவில் நடைபெறும் பெட் னா   மாநாட்டில் தமிழியக்கம் பதிப்பித்த தமிழ் பெயர்களின்   மிகப்பெரிய தொகுப்பான நூலை  தமிழ்வளர்ச்சித்துறை அமைச்சர் வெளியிட்டார்.   சிகாகோவில் நடைபெறும் பெட் னா   மாநாட்டில் தமிழியக்கம் பதிப்பித்த தமிழ் பெயர்களின்   மிகப்பெரிய தொகுப்பான நூலை  தமிழ்வளர்ச்சித்துறை அமைச்சர் வெளியிட்டார்.  
அமெரிக்காவின் புகழ்பெற்ற உச்சரிப்பு போட்டியில் இந்திய வம்சாவளி மாணவர்கள் 6 பேருக்கு மகுடம்! அமெரிக்காவின் புகழ்பெற்ற உச்சரிப்பு போட்டியில் இந்திய வம்சாவளி மாணவர்கள் 6 பேருக்கு மகுடம்!
”யாதும் ஊரே யாவரும் கேளிர்” - உலகத் தமிழாராய்ச்சி மற்றும் பேரவை - சிகாகோ மாநாட்டு பாடல் அமெரிக்காவில் சிறப்பாக வெளியிடப்பட்டது.. ”யாதும் ஊரே யாவரும் கேளிர்” - உலகத் தமிழாராய்ச்சி மற்றும் பேரவை - சிகாகோ மாநாட்டு பாடல் அமெரிக்காவில் சிறப்பாக வெளியிடப்பட்டது..
எழுமின் மலேசிய மாநாட்டில் மலேசியா- இந்தியா இடையே 100 தொழில் ஒப்பந்தங்கள் கையெழுத்தாயின! எழுமின் மலேசிய மாநாட்டில் மலேசியா- இந்தியா இடையே 100 தொழில் ஒப்பந்தங்கள் கையெழுத்தாயின!
சிங்கப்பூரில் இருந்து பைக் மூலம் 3 தமிழர்கள் சாகசப்பயணமாக தமிழகம் வருகை! சிங்கப்பூரில் இருந்து பைக் மூலம் 3 தமிழர்கள் சாகசப்பயணமாக தமிழகம் வருகை!
வாசிங்டன் வட்டாரத் தமிழ்ச்சங்கத்தின் சித்திரை விழாவில் உலகத் தமிழ் சிறுவர்களுக்காக பன்னாட்டு சிறுவர் மாத இதழை வலைத்தமிழ் சார்பில் வாசிங்டன் வட்டாரத் தமிழ்ச்சங்கத்தின் சித்திரை விழாவில் உலகத் தமிழ் சிறுவர்களுக்காக பன்னாட்டு சிறுவர் மாத இதழை வலைத்தமிழ் சார்பில் "வலைத்தமிழ் மொட்டு" வெளியிடப்பட்டது.
அமெரிக்காவில் பாரதிதாசன் பெயரில் முதல் அமைப்பு -  புரட்சிக்கவிஞர் பாரதிதாசன் தமிழ் மன்றம் அமெரிக்காவில் பாரதிதாசன் பெயரில் முதல் அமைப்பு - புரட்சிக்கவிஞர் பாரதிதாசன் தமிழ் மன்றம்
முதன்முறையாக பூமியைப் போன்ற அளவில் புதிய கிரகத்தை நாசாவின் செயற்கைக் கோள் கண்டுபிடிப்பு! முதன்முறையாக பூமியைப் போன்ற அளவில் புதிய கிரகத்தை நாசாவின் செயற்கைக் கோள் கண்டுபிடிப்பு!
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.