தக்காளி சூப்(Tomato Soup)

தேவையானவை :

தக்காளி - 5 (பழுத்தது) (பொடித்தது)
பெரிய வெங்காயம் - 1 (பொடித்தது)
பூண்டு - 6 பல் (பொடித்தது)
தக்காளி சாஸ் - 2 டேபிள் ஸ்பூன்
மிளகுத்தூள் - தேவையான அளவு
உப்பு - தேவையான அளவு
சோள மாவு - 1 டேபிள் ஸ்பூன்
வெண்ணெய் - 2 டீஸ்பூன்

செய்முறை :

    1.ஒரு வாணலியில் வெண்ணெயை உருக்கி, அதில் பூண்டு சேர்த்து வதக்கவும். பூண்டு வதங்கியதும், வெங்காயம் சேர்த்து வதக்கவும்.வெங்காயம் வதங்கியதும், தக்காளி, தேவையான அளவு உப்பு ஆகியவை சேர்த்து வதக்கவும்.தக்காளி பச்சை வாசனை போக வதங்கியபின், 300 மில்லி தண்ணீர் சேர்க்கவும்.

    2.மிதமான தீயில் பத்து நிமிடம் கொதித்த பிறகு, கரண்டியால் நன்கு மசித்து வடிகட்டிக் கொள்ளவும். வடிகட்டிய தண்ணீரில் தக்காளி சாஸ் கலந்து, பிறகு அதில் தனியே தண்ணீரில் கரைத்த சோள மாவைச் சேர்க்கவும்.பின்னர் ஐந்து நிமிடம் கொதிக்கவிட்ட இறக்கி வைத்து, மிளகுத்தூள் தூவி பரிமாறவும்.