தக்காளி ரசம்(Tomato Soup)

தேவையானவை :

பருப்பு வேக வைத்த தண்ணீர் - 2 கப்
கறிவேப்பிலை - சிறிது
கொத்தமல்லித் தழை - சிறிது
உப்பு - தேவையான அளவு
புளிக்கரைசல் - இரண்டு கப்
தக்காளி - 2 பெரிது (மசித்தது)
பச்சை மிளகாய் - 1
மஞ்சள் தூள் - 1 சிட்டிகை
பெருங்காயம் - 1/4 டீஸ்பூன்
ரசப் பொடி - 1  1/2 டீஸ்பூன்
எண்ணை, கடுகு, சீரகம் - தாளிக்க

செய்முறை:


    1.முதலில் ஒரு பாத்திரத்தில் கரைத்துவைத்துள்ள புளி, மசித்த தக்காளி, உப்பு, மஞ்சள் தூள், பச்சை மிளகாய், பெருங்காயம், கறிவேப்பிலை போட்டு கொதிக்க விடவும்.தக்காளித் துணுக்குகள் வெந்து, புளி பச்சை வாசனை போனபின், ரசப் பொடி சேர்க்கவும்.மேலும் இரண்டு நிமிடம் மட்டும் கொதிக்க விட்டு, பருப்புத் தண்ணீர் சேர்க்கவும்.

    2.அடுப்பை மிதமான தீயில் வைத்து கொஞ்சம் கொஞ்சமாக மேலே நுரை சேர்ந்து ரசம் கொதிக்க மேலே பொங்கி வரும்போது அடுப்பை அணைத்து விட்டு அதன்மேல் சிறிது எண்ணை அல்லது நெய்யில் ஒரு டீஸ்பூன் கடுகு, ஒரு டீஸ்பூன் சீரகம் தாளித்து, கொத்தமல்லி தூவிப் பரிமாறவும்.