அமெரிக்க நாடாளமன்றத்தின் சார்பாக, தீபாவளி பண்டிகையை கொண்டாட, அந்நாட்டு நாடாளமன்ற உறுப்பினர்கள் முடிவு செய்துள்ளனர்.
அமெரிக்காவில், சுமார் 23 லட்சம் இந்தியர்கள் வாழ்கிறார்கள். இந்தியாவுடனான நல்லுறவை மேம்படுத்தும் விதமாக, அமெரிக்கா நாடாளமன்ற உறுப்பினர்கள் சிலர், அமெரிக்க இந்தியர்கள் கொண்டாடும் தீபாவளி நிகழ்ச்சிகளில் கலந்து கொள்வது வழக்கம். தற்போது, அமெரிக்கா நாடாளமன்றத்தில், இந்தியவம்சா வளியினரும் உறுப்பினர்களாக உள்ளனர். இதையடுத்து, அமெரிக்கா நாடாளமன்றத்தின் சார்பில், வாசிங்டன் நகரில் தீபாவளி பண்டிகை கொண்டாட திட்டமிடப்பட்டுள்ளது. இந்த இனிய விழாவில், கட்சி பாகுபாடின்றி, அனைத்து நாடாளமன்ற உறுப்பினர்களும், பங்கேற்க ஒப்புதல் தெரிவித்துள்ளனர்.
|