இம்சை அரசன் 23ம் புலிகேசி, இந்திரலோகத்தில் நா அழகப்பன், தெனாலிராமன் ஆகிய படங்களை தொடர்ந்து, வடிவேலு ஹீரோவாக நடித்து வரும் படம் எலி.
இந்த படத்தை, தெனாலிராமன் இயக்குநர் யுவராஜ் இயக்குகிறார். 1970 களில் நடப்பது போன்ற துப்பறியும் படமாம் இது. தனியார் துப்பறியும் நிபுனராக நடிக்கும் வடிவேலு இப்படத்தில் எலி போல் வேலைசெய்து பல பெரிய வழக்குகளை எப்படி தீர்க்கிறார் என்பதுதான் படத்தின் கதையாம்.
இது ஒரு புறம் இருக்க, இந்திரலோகத்தில் நா அழகப்பன் படத்தில் வடிவேலுடன் ஸ்ரேயா ஒரு பாடலுக்கு நடனம் ஆடியது போல், எலி படத்திலும் ஒரு பிரபல கதாநாயகியை ஒரு பாடலுக்கு ஆட வைக்க முடிவு செய்திருந்தார்களாம் படக்குழுவினர்.
இந்நிலையில், வடிவேலுடன் ஒரு பாடலுக்கு ஆட சம்மதம் தெரிவித்துள்ளாராம் நடிகை சதா... இதற்காக அவருக்கு ரூ.25 லட்சம் சம்பளம் பேசப்பட்டுள்ளதாக தெரிகிறது.
|