வணக்கம் சென்னை - திரை விமர்சனம் !!

நடிகர் : சிவா

நடிகை : பிரியா ஆனந்த்

இயக்கம் : கிருத்திகா உதயநிதி

இசை : அனிருத்

தேனியில் உள்ள ஒரு கிராமத்தில் இருந்து சென்னைக்கு வருகிறார் நாயகன் சிவா. லண்டனில் இருந்து சென்னைக்கு வருகிறார் நாயகி பிரியா ஆனந்த். நாயகனும், நாயகியும் ஒரே பிளாட்டில் தங்க வேண்டிய சூழ்நிலை ஏற்படுகிறது. முதலில் இருவரும் டாம் அன்ட் ஜெரி போல சண்டைபோட்டுக்கொள்கிறார். பிறகு நாயகன் சிவாவுக்கு கதாநாயகி ப்ரியா ஆனந்த் மேல் மெல்ல காதல் துளிர ஆரம்பிக்குது, அதன் பிறகுதான் தெரிகிறது ப்ரியா ஏற்கனவே நிச்சயம் ஆன பெண் என்று. இதன் பிறகு, நிச்சயதார்த்தாம் ஆன பெண்ணை காதலிப்பதுதான் தமிழ் சினிமா ஹீரோக்களின் டிரெண்ட் என்ற பாணியில், சிவாவும் தனது காதலை தொடர, அவருடைய காதலை பிரியா ஆனந்த் ஏற்றுக்கொண்டாரா இல்லையா என்பதுதான் படத்தின் மீதிக்கதை. 

படத்தின் முதல்பாதி ரசிக்கும் படியாக இருந்தாலும், இரண்டாம் பாதி ஜவ்வாக இழுக்கிறது. 

நாயகன் சிவா, மற்ற படங்களை காட்டிலும், இந்த படத்தில் நடிக்க முயற்சி செய்திருந்தும், அந்த அளவுக்கு எடுபடவில்லை.  

லண்டன் வாழ் தமிழ் பெண்ணாக வரும் பிரியா ஆனந்த் தனக்கு கொடுத்த கதாபாத்திரத்தை சிறப்பாக செய்திருக்கிறார்.  

வீட்டு புரோக்கராக வரும் சந்தானம். பழைய காமெடி வசனங்களே பயன்படுத்தி இருக்கிறார். மேலும் குணச்சித்திரத்திலும் தன் பங்களிப்பை செய்திருக்கிறார் சந்தானம். இந்த படத்தில் கொஞ்சம் அடக்கி வாசித்திருக்கிறார் என்றுதான் சொல்லவேண்டும்.

நாசர், ஊர்வசி, ரேணுகா, ராகுல் என நடிகர்கள் பட்டியல் நீண்டுகொண்டே போனாலும், பெரிதாக சொல்லும்படி இல்லை.

அனிருத் இசையில் பாடல்கள் ஹிட் ஆகியிருப்பதால் பரவாயில்லை.

மொத்தத்தில் "வணக்கம் சென்னை" பிரியா ஆனந்துக்காக ஒரு முறை பார்க்கலாம்......