|
|||||
வீரம் - ஒரு சிறப்பு முன்னோட்டம் !! |
|||||
வீரத்தில் நீண்ட நாட்களுக்கு பிறகு கிராமத்து பின்னணி கதையில் அஜித் நடித்திருக்கிறார்.
இந்த படத்தில் அஜீத்துக்கு ஜோடியாக தமன்னா நடித்துள்ளார். படத்தின் பெரும்பாலான காட்சிகள் ஒடிசாவில் உள்ள ஒரு கிராமத்தில் படமானது. இரண்டு குடும்பங்களுக்குள் நடக்கும் பிரச்னைகளே படத்தின் கதை. ஆரம்பத்தில் அமைதியாக வரும் அஜித் பிறகு ஆவேசமாகி ஆக்ஷனுக்கு மாறுவது போல் திரைக்கதை உருவாக்கப்பட்டு உள்ளது.
வீரத்தில் அஜீத்துடன், சந்தானம், விதார்த், பாலா, அப்புக்குட்டி போன்றோரும் நடித்துள்ளனர். விதார்த்துக்கு ஜோடியாக அபிநயா நடிக்கிறார். ஒருசில காட்சிகளில் மட்டுமே வந்தாலும், தன்னுடைய சிறப்பான நடிப்பால் அனைவரையும் கவர்ந்திழுக்கும்படி அபிநயா நடித்திருக்கிறாராம்.
முதல் முறையாக படம் முழுவதும் அஜித் வேஷ்டி சட்டையில் அஜித் நடித்திருப்பது இப்படத்தின் ஹைலைட்டாக அமைந்திருக்கிறது.
படத்தில் அஜீத்தின் கேரக்டர் பெயர் வினாயகம்.
ஒரு காட்சியில் இரண்டு கி.மீ மாட்டு வண்டி ஓட்டி நடித்து இருக்கிறார்.
ஒடிசா பார்டரில் ஓடும் ட்ரெய்னில் அரக்கப்பரக்க ஒரு ஆக்ஷன் காட்சியை படம்பிடித்திருக்கிறார்கள். டூப் போடலாம் என சிவா சொன்னதற்கு, தல மறுத்துவிட்டார். முழுக்க முழுக்க ட்ரெய்னில் நடக்கும் இந்த சண்டைக்காட்சியில் அஜித் ஆக்ஷனில் அசரடித்திருக்கிறார்.
கோவில் திருவிழா, ஜல்லிக்கட்டு, ரேக்ளா ரேஸ் உரியடி, தப்பாட்டம், கரகாட்டம்னு படம் களைகட்டும்.
படத்தில் நோ பன்ஞ் டயலாக். ஆனா காமெடி சீன் தவிர வில்லன்கிட்ட பேசுற ஒவ்வோரு டயலாக்கும் பன்ஞ் டயலாக் எபெக்டுல இருக்கும்.
இந்த படத்திற்கு தேவிஸ்ரீ பிரசாத் இசை அமைத்துள்ளார். விஜயா நிறுவனம் சார்பில் பி.பாரதி ரெட்டி தயாரிக்கும் படம் இது. |
|||||
Ajith and Santhanam in Veeram | |||||
by Swathi on 09 Jan 2014 0 Comments | |||||
Tags: வீரம் திரை முன்னோட்டம் வீரம் வீரம் அஜீத் வீரம் விமர்சனம் வீரம் திரை விமர்சனம் வீரம் சினிமா விமர்சனம் Veeram | |||||
கருத்துகள் | |
|
உங்கள் கருத்துகள் பதிவு செய்ய | ||
|