நடிகர் விஜய் தற்போது சிம்புதேவன் இயக்கத்தில் புலி என்ற படத்தில் நடித்து வருகிறார். பேண்டஸி படமாக உருவாகி வரும் இந்த படத்தில் விஜயுடன் சேர்ந்து, ஸ்ருதிஹாசன், ஹன்சிகா, ஸ்ரீ தேவி, சுதீப் உள்ளிட்ட பல திரை பிரபலங்கள் நடித்துள்ளனர். புலி படத்தின் அனைத்து படப்பிடிப்புகளும் முடிவடைந்து தற்போது போஸ்ட் புரொடக்ஷன் வேலைகள் நடைபெற்று வருகின்றன. இந்நிலையில் இப்படம் பற்றி ஒரு சுவாரசிய தகவல் வெளியாகியுள்ளது. அதாவது புலி படத்தில் பெரிதும் பேசப்படப்போவது கிளைமாக்ஸ் காட்சி தானாம். இப்படத்தின் கிளைமாக்ஸ் காட்சியில் விஜய், சுமார் ஆயிரம் பேருடன் சண்டை போடுகிறாராம். இந்த பிரமாண்ட சண்டைக்காட்சியை ஹாலிவுட் இயக்குநர் சாங் லீன், சுமார் இரண்டு மாதங்களாக படமாக்கியிருக்கிறாராம். படம் வெளியாகும் போது இந்த சண்டைக்காட்சி பெரிதும் பேசப்படும் என்கிறார்கள். புலி படம் அனேகமாக விநாயகர் சதுர்த்தி அன்று வெளியாகும் என எதிர்பார்க்கப்படுகிறது.
|