பாலிவுட்டில் முன்னணி நடிகராக வலம் வரும் அபிஷேக் பச்சன் சமீபத்தில், இந்தியன் சூப்பர் லீக் கால் பந்து போட்டிக்காக சென்னை அணியை வாங்கியுள்ளார்.
இதற்காக சென்னையில் ஏற்பாடு செய்யப்பட்ட ஒரு நிகழ்ச்சியில் கலந்து கொண்ட அபிஷேக் பச்சன் தமிழ் சினிமா குறித்து அவர் பேசுகையில்,
தமிழ் படங்களில் நடிக்க ஆர்வமாக இருக்கிறேன். அதற்கான கதையும், தருணமும் வரும் நேரத்தில் கண்டிப்பாக நடிப்பேன் என தெரிவித்த அபிஷேக் பச்சன், தமிழ் சினிமாவில் தனக்கு பிடித்த நடிகர்களின் பெயர்களை பட்டியலிட்டார். அதில் சூப்பர் ஸ்டார் ரஜினிகாந்த், உலக நாயகன் கமல்ஹாசன் ஆகியோர் என்னை மிகவும் கவர்ந்தவர்கள். மேலும் இளம் தலைமுறை நடிகர்களில் விஜய்யை தனக்கு மிகவும் பிடிக்கும் என்று கூறிய அபிஷேக், சியான் விக்ரம் மீது எனக்கு நல்ல மரியாதை உள்ளது என்றார்.
|