|
|||||
மோடியை சந்தித்த விஜய்!! |
|||||
ரஜினியை சந்தித்து மூன்று நாட்கள் ஆகிய நிலையில் தற்போது மோடி, நடிகர் விஜய்யை கோவையில் உள்ள தாஜ் ஹோட்டலில் சந்தித்துள்ளார். இது அரசியல் வட்டாரத்தில் பெரும் பரபரப்பை ஏற்ப்படுத்தியுள்ளது.
இந்த சந்திப்பு பற்றி செய்தியாளர்கள் நடிகர் விஜய்யிடம் கேட்ட போது, மோடியை சந்தித்தது மரியாதை நிமித்தமான சந்திப்புதான், அரசியல் ரீதியான சந்திப்பு அல்ல என்று கூறினார்.
ரஜினி- விஜய் இரண்டு பேருமே மோடியை சந்தித்த பிறகு ஒரே கருத்தை தெரிவித்துள்ளனர் என்பது குறிப்பிடத்தக்கது.
மோடியை மரியாதை நிமித்தமாகத்தான் சந்தித்தேன்! ரஜினி பாணியில் சொன்ன விஜய்!!
பாராளுமன்ற தேர்தலுக்கான சூறாவளி சுற்றுப்பயணத்தில் ஈடுபட்டுள்ள நரேந்திர மோடி, வாக்கு சேகரிப்பதில் படு வேகம் காட்டுகிறார். இந்நிலையில், கடந்த 13-ந்தேதிதான் ரஜினியை சந்தித்தார். அதையடுத்து, இது அரசியல் சந்திப்பு அல்ல. மரியாதை நிமித்தமான சந்திப்பு மட்டுமே என்று சொன்ன ரஜினி, மோடி ஒரு வலிமையான மனிதர். தகுதி வாய்ந்த தலைவர் என்று புகழாரம் சூட்டினர். இந்நிலையில், அடுத்த மூன்றே நாட்களில் கோவையில் விஜய்யை சந்தித்தார் மோடி. அங்குள்ள தாஜ் ஹோட்டலில் இந்த சந்திப்பு நடந்துள்ளது.
இதையடுத்து மீடியாக்கள் விஜய்யை சூழ்ந்து கொண்டு, சந்திப்பில் என்ன பேசப்பட்டது என்று துருவி துருவி கேட்டதற்கு விஜய் பதில் சொல்ல மறுத்துவிட்டார். ஆனால் அதற்கு பதிலாக அவர் தரப்பில் இருந்து ஒரு அறிக்கை வெளியிடப்பட்டுள்ளது. அதில் அவர் கூறியுள்ளதாவது, மோடியை சந்தித்தது அரசியல் ரீதியான சந்திப்பு அல்ல, மரியாதை நிமித்தமான சந்திப்புதான் என்று ரஜினி பாணியிலேயே கூறியுள்ளார் விஜய். மோடி நாட்டின் மிகப்பெரிய தலைவர். கடந்தமுறை அவர் சென்னை வந்தபோது என்னை சந்திக்க விரும்பினார். ஆனால் நான் ஐதராபாத்தில் ஷூட்டிங்கில் இருந்ததால் என்னால் சந்திக்க முடியவில்லை. மீண்டும் அவர் கோவை வந்துள்ளார். அவரே என்னை சந்திக்க விரும்பியதால், உடனடியாக அவரை சென்று சந்தித்தேன். ஆனால் அந்த சந்திப்பல் அரசியல் இல்லை. அன்பு மட்டுமே இருந்தது என்று கூறியுள்ளார்.
ஆக, ரஜினி- விஜய் இரண்டு பேருமே அரசியல் கட்சி தலைவர் மோடி சந்தித்தின் பின்னணியில் அரசியல் இல்லை என்று சொன்னாலும் அதை நம்புவதற்கு யாரும் இங்கே தயாராகவும் இல்லை என்று ஒருசாரர் பேசிக்கொள்கிறார்கள்.
|
|||||
by Swathi on 17 Apr 2014 0 Comments | |||||
கருத்துகள் | |
|
உங்கள் கருத்துகள் பதிவு செய்ய | ||
|