|
|||||
விஜய் சிம்புதேவன் படம் - ஒரு சின்ன அப்டேட் !! |
|||||
ஏ.ஆர் முருகதாஸ் இயக்கத்தில் நடித்த கத்தி திரைப்படத்தை அடுத்து, நடிகர் விஜய் சிம்புதேவன் இயக்கத்தில் ஒரு புதிய படத்தில் நடிக்க இருக்கிறார். இந்த படத்திற்கு முதலில் மாரீசன் என்று பெயர் வைக்கப்பட்டதாக தகவல்கள் வெளியானது. ஆனால், தற்போது படக்குழு இதை மறுத்துள்ளது. மேலும் இந்த படம் முழுமுழுக்க ஃபேன்டஸி ரகத்தைச் சேர்ந்தது என கடந்த சில மாதங்களாகவே தகவல்கள் வெளியாகி வந்தன. ஆனால், தற்போது இப்படம் முழுவதும் ஃபேன்டஸி படம் கிடையாது என்ற தகவலும் வெளியாகியிருக்கிறது. இப்படத்தில் முதலில் ஸ்ரீதேவியும், சுதீப்பும் நடிக்கிறார்கள் என்று கூறப்பட்டது, பின்னர் அவர்கள் இருவரும் நடிக்கவில்லை என்றும் தகவல் வெளியானது. ஆனால், ஸ்ரீதேவியும், நான் ஈ புகழ் சுதீப்பும் நடிப்பது உண்மைதான் என்கிறார்கள். இதில் இவர் விஜய்யை தத்தெடுத்து வளர்க்கும், வளர்ப்பு தாயாக நடிக்கிறார் என்று கோலிவுட் வட்டாரங்கள் தெரிவிக்கின்றது. அது மட்டுமல்லாமல், ஸ்ரீதேவி நடிக்கும் காட்சிகள் மட்டும்தான் படத்தில் ஃபேன்டஸியாக இருக்கும் என்றும் சொல்கிறார்கள். இப்படத்தில் வரும் வில்லன் பாத்திரம், கில்லி படத்தின் பிரகாஷ் ராஜ் கேரக்டர் பேசப்பட்டதைவிட அதிகமாக பேசப்படுமாம். இந்த வேடத்தில் நடிப்பவர் கன்னட நடிகர் சுதீப். பிரகாஷ்ராஜ் பெரிய சம்பளம் கேட்டதால் அவரை வேண்டாம் என்று சொல்லிவிட்டு சுதீப்பை கமிட் செய்து உள்ளனர். நவம்பர் 10ஆம் தேதி முதல் ஈசிஆரில் உள்ள உத்தண்டியில் 15 ஏக்கர் நிலப்பரப்பில் போடப்பட்டிருக்கும் பிரம்மாண்டமான அரண்மனை செட் ஒன்றில் விஜய், ஹன்சிகா, ஸ்ருதிஹாசன் ஆகியோர் பங்குபெறும் பாடல் காட்சி ஒன்றை படமாக்கவிருக்கிறார்களாம்.
இதனைத் தொடர்ந்து கேரளாவில் சில இடங்களிலும் படப்பிடிப்பு நடைபெற உள்ளது. இந்த படம் விஜய்க்கு கில்லி படத்தை விட பெரிய மாஸ் படமாக அமையும் என்கின்றனர் படக்குழுவினர்... |
|||||
by Swathi on 30 Oct 2014 0 Comments | |||||
Tags: விஜய் சிம்புதேவன் Vijay Vijay Simbudevan Movie Mareechan மாரீசன் | |||||
கருத்துகள் | |
|
உங்கள் கருத்துகள் பதிவு செய்ய | ||
|