சிகரம் தொடு படத்தை தொடர்ந்து, நடிகர் விக்ரம் பிரபு, எழில் இயக்கத்தில், வெள்ளைக்கார துரை என்ற படத்தில் நடித்து வருகிறார். இந்த படத்தில் விக்ரம் பிரபுவுக்கு ஜோடியாக ஸ்ரீ திவ்யா நடித்துள்ளார். இது தவிர பரோட்டா சூரி, எம்.எஸ்.பாஸ்கர், மனோபாலா, வையாபுரி, ஆடுகளம் நரேன், சிங்கம்புலி, மதன்பாப், சிங்கமுத்து, நான் கடவுள் ராஜேந்திரன் உள்ளிட்ட பல நகைச்சுவை நடிகர்கள் நடித்து வருகிறார்களாம். இதனால் படத்தில் காமெடிக்கு பஞ்சமே இருக்காது என்கிறது படக்குழு.
இந்த படத்திற்கு டி.இமான் இசையமைக்கிறார். சூரஜ்நல்லு சாமி ஒளிப்பதிவு செய்கிறார்.
ஒரே பிரச்சினையில் சிக்கி தவிக்கும் விக்ரம் பிரபுவும், ஸ்ரீதிவ்யாவும் அந்த பிரச்சினையில் இருந்து மீண்டு காதலில் ஒன்று சேருவதே படத்தின் மைய கருவாக வைத்து அதில் காமெடி மற்றும் கமர்சியல் படமாக உருவாக்கி வருகிறார் எழில். விக்ரம் பிரபு இப்படத்தில் காமெடி ஹீரோவாக நடிக்கிறார்.
இந்த படத்தை, கோபுரம் பிலிம்ஸ் சார்பாக, அன்புசெழியனின் தயாரிக்கிறார்.
|