பாண்டிய நாடு படத்தை தொடர்ந்து, சுசீந்திரன் இயக்கத்தில் விஷால் நடித்து வரும் படத்திற்கு பாயும் புலி என பெயர் வைக்கப்பட்டுள்ளதாக தகவல்கள் வெளியாகியுள்ளது.
இதில் விஷால் போலீஸ் அதிகாரியாக நடிக்கிறார். விஷாலுக்கு ஜோடியாக காஜல் அகர்வால் நடிக்கிறார். சமுத்திரக்கனி விஷாலுக்கு அண்ணனாக நடிப்பதாக தெரிகிறது. பெங்களூருவைச் சார்ந்த புதுமுகம் வில்லனாக நடிக்கிறார். சூரி, ஆனந்த் ராஜ் ஆகிய இருவரும் முக்கியக் கதாபாத்திரங்களில் நடிக்கின்றனர்.
வேந்தர் மூவிஸ் சார்பில் மதன் இப்படத்தைத் தயாரிக்கிறார். டி.இமான் இந்த படத்திற்கு இசை அமைக்கிறார்.
பாயும் புலி என்ற பெயரில் ரஜினிகாந்த் நடிப்பில் ஏற்கனவே ஒரு படம் வெளியாகி மெகா ஹிட் வெற்றியை பெற்றது. அது மட்டுமல்லாமல், விஜய் தற்போது சிம்புதேவன் இயக்கத்தில் நடிக்கும் படத்திற்கு ‘புலி’ என டைட்டில் வைக்கப்பட்டுள்ளது குறிப்பிடத்தக்கது.
|