LOGO
Register? Login
Follows us on Facebook  Twitter  Google Plus 
  முதல் பக்கம்    சிறுவர்    சுட்டிக்கதைகள் - Kids Stories Print Friendly and PDF

என்னை அப்படி அழைக்காதே...

அன்னைக்கு ஞாயிற்றுக் கிழமை... எப்பவும் போல் மணிவண்ணன் அந்த வேலையைச் செய்யத் தொடங்கினான். அது என்ன வேலை தெரியுமா? அறையைக் கூட்டிப் பெருக்கும் வேலை.

மணிவண்ணன் அடிக்கடி சொல்லிக்கற ஒரு வாக்கியம் உண்டு. " எந்தெந்தப் பொருள் எங்கெங்க இருக்ணுமோ அந்தந்த பொருள் அங்கங்க இருக்கணும் '' அப்படீங்கறதுதான் அந்த வாக்கியம்.

மணிவண்ணன் கையில் விளக்குமாறோட அறைக்குள்ளே நொழைஞ்சான். அப்போது அவனைப் பாத்தா துப்பாக்கியோட போருக்குப் புறப்பட்ட வீரனைப்
போலிருந்தான். அவளோட தங்க மணிமேகலை" என்ன யுத்தம் தொடங்யாச்சா? '' அப்படீண்ணு கேலிசெய்தா.

அதுக்கெல்லாம் மணிவண்ணன் அசையமாட்டான். " ஆமாம், இதுவும் யுத்தம்தான். அழுக்கோட நடத்தற யுத்தம். அறையிருந்து தூசை நீக்கற யுத்தம் '' அப்படீண்ணு சொல்வான் மணிவண்ணன்.

விளக்குமாறுடன் அறைக்குள் நுழைந்தவன். செவரோட மூலை முடுக்கெல்லாம் பார்த்தான்.

" அங்கங்கு ஓட்டடை... இந்த எட்டுகால் பூச்சிக்கு எப்படித்தான் இந்தத் திறமை வருதோ...! தலையைக் குனிஞ்சு நிமிந்து பாக்கறதுக்குள்ளே வலையைப் பின்னிடுது...!!

'' மணிவண்ணன் மனசுக்குள்ளே பேசிக்கிட்டான். விளக்குமாறை தலைக்கு மேலாப் பிடிச்சகிட்டு சுவர் இடுக்கில் இருக்கற ஓட்டடையைக் களைய முயற்சி செய்தான். எம்பி எம்பிக் குதிச்சான். விளக்குமாறை வீசினான்.. ம்ஹூம் அது எட்டவே இல்லை.

மணிவண்ணன் மேசைகிட்ட கிடந்த நாற்காயை இழுத்து அதுக்கு மேலெ ஏறி நிண்ணான். அப்படி ஏறும்போது கையில் பிடிச்சிருந்த விளக்குமாறோட ஒரு நுனி சிலந்தி வலையை அசைச்சிச்சு..

" ஆகா.. ஏதோ ஓர் இரை வசமாகி மாட்டிகிச்சு அப்படீண்ணு நெனச்சு...'' எட்டுகால் பூச்சி சந்தோஷமா ஒளிஞ்சுகிட்டிருந்த எடத்த விட்டு வெளியே வந்திச்சு. வலையோட குறுக்காக இருந்த நூல் வழியாக ஓடி வந்திச்சு.

மணிவண்ணன் அந்த ஏட்டு கால் பூச்சியைப் பாத்தான். " பாவம் அது ஏமாந்து போச்சேண்ணு.'' வருத்தப்பட்டான்.

'' என்ன எட்டுகால் பூச்சி, ஏமாந்துவிட்டாயா...? '' அப்படீண்ணு கேட்டான். எட்டுகால் பூச்சி ஒரு நிமிஷம் நின்னுச்சு. கண்ண நல்லா உருட்டி உருட்டிப் பார்த்திச்சு

"மணிவண்ணா நீயுமா என்னை அப்படி கூப்பிடறே...? ஊண்மையில நீதான் எட்டு கால் பூச்சி. நானல்ல'' அப்படீண்ணுச்சு.

" என்னது நான் எட்டுகால் பூச்சியா? ... உனக்குத்தான் எட்டு காலிருக்கு ரெண்டு கால் இருக்கற என்ன பாத்து " நீ தான் எட்டுகால் பூச்சி '' அப்படீண்ணு சொல்றயே..? '' மணிவண்ணன் கொஞ்சம் கோபமா கேட்டான்..

" ஆமா ஆமா.. நான் எட்டு கால் பூச்சியல்ல... நீதான் எட்டுகால் பூச்சி. உனக்குச் சந்தேகமாக இருந்தால் உன்னோட கணக்கு வாத்தியார் கிட்டே போய்க் கேளு '' அப்படீண்ணு சொல்லுச்சு எட்டு கால் பூச்சி.

அதக் கேட்ட மணிவண்ணன் ஒரு நிமிஷம் யோசிச்சான். '' எனக்குப் புரிஞ்சிருச்சு அப்படீண்ணான். .

உங்களுக்குப் புரிஞ்சுதா? புரியாட்டி எட்டு கால் சேந்தா எவ்வளவுண்ணு யோசிங்க புரியும். இன்னும் புரியலையா? ஒண்ணோட பாதி அரை. அரையோட பாதி கால்.

எட்டு கால் சேர்ந்த ரெண்டு. நமக்கெல்லாம் ரெண்டு கால்கள் இருக்குல்ல. அப்ப எட்டுகால் பூச்சி சொல்றதும் சரிதானே.

நல்ல புத்திசாப் பூச்சி. அப்படித்தானே.

by Swathi   on 31 Mar 2015  1 Comments
Tags: Siruvar Kathaigal   Alaikkaathe   Yennai   அழைக்காதே   சிறுவர் கதைகள்        
 தொடர்புடையவை-Related Articles
நட்சத்திர வார பலன்கள் (14 – 01 – 2018 முதல் 20 - 01 – 2018 வரை) நட்சத்திர வார பலன்கள் (14 – 01 – 2018 முதல் 20 - 01 – 2018 வரை)
கண்ணீரால் கனவுகளைச் சிதைத்தவர்கள் (கவிதை) வித்யாசாகர்! கண்ணீரால் கனவுகளைச் சிதைத்தவர்கள் (கவிதை) வித்யாசாகர்!
முடிந்த கதை - கவிப்புயல் இனியவன் முடிந்த கதை - கவிப்புயல் இனியவன்
உயிர் தோழன் நீ.... - கவிப்புயல் இனியவன் உயிர் தோழன் நீ.... - கவிப்புயல் இனியவன்
இஸ்ரோ தலைவராக தமிழகத்தைச் சேர்ந்த விஞ்ஞானி கே.சிவன் நியமனம் !! இஸ்ரோ தலைவராக தமிழகத்தைச் சேர்ந்த விஞ்ஞானி கே.சிவன் நியமனம் !!
சிங்கப்பூரில் விபுலாநந்த அடிகளார் ஆவணப்படம் வெளியீடு சிங்கப்பூரில் விபுலாநந்த அடிகளார் ஆவணப்படம் வெளியீடு
வெட்கமிருந்தால் வீறுகொண்டு எழு.. வெட்கமிருந்தால் வீறுகொண்டு எழு..
நீ ராஜ வாழ்க்கை நீ ராஜ வாழ்க்கை
கருத்துகள்
10-Apr-2015 06:22:20 சுந்தா் said : Report Abuse
எடையை குறைக்க என்ன செய்ய வேண்டும்
 
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.