கௌதம் மேனன் இயக்கத்தில், அஜீத், அருண்விஜய், அனுஷ்கா, த்ரிஷா ஆகியோரது நடிப்பில் உருவாக்கி கடந்த பிப்ரவரி 5ஆம் தேதி வெளியான படம் என்னை அறிந்தால்.
இந்த படத்திற்கு எதிர்மறையான விமர்சனங்கள் அதிகம் இல்லாததால், படம் ஒரு சில தியேட்டர்களில் ஹவுஸ் புல் காட்சிகளாக ஓடி வசூலை வாரிக்குவித்து வருகிறது.
இந்தியா மட்டுமின்றி இப்படம் வெளிநாடுகளிலும் நல்ல வசூலை பெற்றுக்கொண்டிருப்பதாக சொல்லப்படுகிறது. என்னை அறிந்தால் படம் இதுவரை வெளிநாடுகளில் மட்டும் 25 கோடி ரூபாய்க்கும் மேல் வசூலித்துள்ளதாக சொல்கிறார்கள்.
அது மட்டுமல்ல, இதுவரை உலக அளவில் வசூலில் சாதனை படைத்த டாப் 10 வசூல் தமிழ்ப்படங்களின் பட்டியலிலும் இடம்பிடித்திருக்கிறது.
ஏற்கெனவே அஜித் நடித்த ஆரம்பம் படம் இந்த பட்டியலில் இடம்பிடித்திருக்கிறது. இப்போது என்னை அறிந்தால் படமும் சேர்ந்துள்ளது. எந்திரன், சிவாஜி, தசாவதாரம், துப்பாக்கி, சிங்கம் 2, ஆரம்பம், கத்தி, லிங்கா, ஐ ஆகிய படங்கள் டாப் 10 பட்டியலில் ஏற்கெனவே இடம்பிடித்திருக்கின்றன என்பது குறிப்பிடதக்கது.
|