தமிழ் சினிமாவில் இந்த ஆண்டு மட்டும் சுமார் 108 கதாநாயகர்கள் அறிமுகமாகியிருக்கிறார்கள். ஆனால், அதில் ஒருவர் கூட சொல்லிக்கொள்ளும் அளவில் வெற்றி பெறவில்லை... என்றாலும் மைக்கேல்(நளனும் நந்தினியும்), சந்தோஸ்(கதை திரைக்கதை வசனம்), வீரா(மொசக்குட்டி), சந்திரன்(கயல்), துல்கர் சல்மான்(வாயை மூடி பேசவும்) ஆகியோர் சற்று ரசிகர்களின் கவனத்தை ஈர்த்துள்ளனர்.
தமிழ் சினிமாவில் இந்த ஆண்டு அறிமுகமாகும், கதாநாயகர்களை விட, கதாநாயகிகளின் எண்ணிக்கை அதிகரித்துள்ளது. அதாவது 127 கதாநாயகிகள் இந்த ஆண்டு அறிமுகமாகி இருக்கிறார்கள். இவர்களில் குறிப்பிடப்பட வேண்டிய சிலரின் பட்டியல் இதோ,
மாளவிகா நாயர்(குக்கூ), ஷிவதா(நெடுஞ்சாலை), நிகிஷா படேல்(தலைவன்), இஷாரா(சதுரங்க வேட்டை), அகிலா சுரேஷ்(கதை திரைக்கதை வசனம் இயக்கம்), அனைகா(காவியத்தலைவன்), ஆனந்தி(பொறியாளன்), மோனல் கஜ்ஜார்(வானவராயன் வல்லவராயன்) ஆகியோர் நடிப்பாலும் அழகாலும் ரசிகர்களின் கவனம் ஈர்த்தவர்கள்.
இவர்கள் தவிர வாணி கபூர் (ஆஹா கல்யாணம்), மியாஜார்ஜ்(அமர காவியம்), கேத்ரின் தெரசா(மெட்ராஸ்), சொனாக்ஷி சின்ஹா(லிங்கா) ஆகியோர் பிற மொழிகளில் இருந்து தமிழ் சினிமாவுக்கு அறிமுகமானவர்கள்.
2014ம் ஆண்டு 98 புதிய இயக்குனர்கள் தமிழ் சினிமாவில் அறிமுகமாகியுள்ளனர். அவர்களில் ரசிகர்களின் கவனத்தை ஈர்த்த சிலரின் பெயர்கள் இதோ, ராஜ முருகன்(குக்கூ), டீகே(யாமிருக்க பயமே), என்.ராகவன்(மஞ்சப்பை), ராம்குமார்(முண்டாசுப் பட்டி), அருண்குமார்(பண்ணையாரும் பத்மினியும்), கோகுல் கிருஷ்ணா(ஆஹா கல்யாணம்), வேல்ராஜ்(வேலையில்லா பட்டதாரி), கார்த்திக் ராஜூ(திருடன் போலிஸ்) .
|