வள்ளுவர் கோட்டத்தில் ஓர் குறளங்காடி!

வள்ளுவர் கோட்டத்தில் ஓர் குறளங்காடி!

முற்றிலும் புதுப்பிக்கப்பட்ட வள்ளுவர் கோட்டத்தில் புதிதாக அமைக்கப்பட்டுள்ளது குறளங்காடி என்ற திருக்குறள் பரப்பும் அங்காடி மாண்புமிகு தமிழ்நாடு முதல்வர் அவர்கள் வள்ளுவர்கோட்டதை திறந்துவைத்த அன்று இவ்வங்காடி திறக்கப்பட்டது.

குறளங்காடி கீழ்க்காணும் ஐந்து முக்கிய இலக்குகளோடு தனது பயணத்தைத் தொடங்கியுள்ளது.

1. திருக்குறள் நூல்கள், சிலைகள் மட்டுமின்றி திருக்குறள் சார்ந்த கருத்துகளை 133 வகையான பரிசுப்பொருள்களை உருவாக்கிப் பரப்புதல்.

2. பனை ஓலை , காகிதக் கூழால் செய்யப்படும் திருக்குறள் பொருள்கள் , மண் சார்ந்த சிலைகள், கைத்தறி ஆடைகள் , பித்தளை, வெள்ளி, மரப் பொருள்கள் என்று பல்வேறு சிறுதொழில்களை, மகளிர் சுய உதவிக் குழுக்களுக்கு தற்சார்பு வாழ்வியலை ஊக்குவிக்கும் வகையில் அவர்களிடம் பொருள்களை வாங்கி தொழில் வளர்ச்சிக்கு துணைநிற்றல்.

3. திருக்குறளால் வாழ்வாதாரம் கிடைக்கும் வகையில் ஒவ்வொரு கடையிலும் 3-5 தமிழ் படித்த இளைஞர்களுக்கு வேலைவாய்ப்பு.

4. ஒவ்வொரு கடையின் விரிவாக்கத்திலும் ஒரு தமிழ்த் தொழில் முனைவோர் உருவாக வாய்ப்பு.

5. மக்கள் அதிகம் கூடும் திருமணம் உள்ளிட்ட குடும்ப நிகழ்ச்சிகளுக்கும், நிறுவனங்களின் நிகழ்ச்சிகளுக்கும், பரிசுத் தேவைகளுக்கும் நம்பகமான ஒரே இடமாக திருக்குறள் சார்ந்த அனைத்துப் பரிசுப்பொருட்களையும் ஒரே இடத்தில் கிடைக்கச்செய்தல்.

மேலும் 133 வகையான திருக்குறள் சார்ந்த பொருட்களைப் பல இடங்களிலிருந்து தொகுத்தும், இல்லாததை உருவாக்கியும் கொண்டுவரும் நோக்கில் இதுவரை 59 வகையான திருக்குறள் சார்ந்த பரிசுப் பொருள்கள் அறிமுகப்படுத்தப்பட்டு பொதுமக்களின் ஆதரவைப் பெற்றுள்ளது.

மேலைநாடுகளில் உள்ளதுபோன்று குறிப்பாக அமெரிக்காவின் லிபர்ட்டி சிலையைப் போன்று,புத்தர் சிலை போன்று, தமிழகத்தின் திருவள்ளுவரையும், திருக்குறள் கருத்துகளையும் உலக அளவில் கொண்டுசேர்க்கும் நோக்கில் குறளங்காடி பல்வேறு குறள் பதித்த , முச்சீர், நாச்சீர் சொற்கள் பதித்த பல பொருட்களை தமிழ் , பிறமொழிகளில் உற்பத்தி செய்து மக்களிடம் கொண்டுசேர்த்துப் பரவலாக்கும் சேவையை முதன்முறையாக முயற்சிக்கிறது.

சென்னை வருபவர்கள் தவறாமல் குறளங்காடிக்கு வந்து பார்வையிட்டு திருக்குறள் பரப்பத் துணைநிற்கலாம்